"Мадрид" гарчи Ла Лигадан иккинчи ўринда бўлсада, охирги таҳминан бир ой Зидан шогирдлари учун омадли ўтди деб бўлмайди. Тўғри, улар "Барселона"ни мағлуб этишди, лекин кейин ишлар чаппасига кетди.

"Бетис" ва "Сити"дан учралган мағлубият, бунинг оқибатида Ла Лига ва ЕЧЛдаги вазиятнинг клуб учун ёмонлашганини инобатга олсак, бу танаффус "Реал"нинг фойдасига ишлаши мумкин.

Испаниянинг AS нашри хабарига кўра, Асенсио тикланиш жараёнининг сўнгги босқичини ўтамоқда. Эслатиб ўтамиз, у тиззасида ўта оғир жароҳат олиб, бу мавсум бирор марта майдонга туша олмади.

Катта эҳтимол билан барчасига жойига тушиб, чемпионат қайта бошланишига Марсело ва Куртуа ҳам ўз жароҳатларидан қутулиб олишади.

Баъзи маълумотларга қараганда, клублар ўртасидаги мусобақалар ёзда бўлиб ўтади, Евро эса кейинги йилга қолдирилади. Бу ҳақида аниқ маълумотни худо хоҳласа эртага, сешанба куни билиб оламиз. Бундай ҳолатда Европа Чемпионлар Лигаси ўйинлари июнь ойидан бошлаб давом эттирилади. Агар барчаси чиндан шундай бўлса, Зидан муҳим паллада жамоанинг икки юлдузи Асенсио ва Азар хизматидан тўлиқ фойдалана олади.

Ипсаниялик футболчи айтиб ўтганимиздек, тикланиш жараёнининг ҳал қилувчи палласида. У умумий гуруҳга қўшилганича йўқ, лекин бу қисқа вақтда ҳал бўладиган масала. Марко тўп билан ишлай бошлаган ва клуб шифокорларининг айтишича, май ойи ўрталарида у оптимал спорт формасига кириб улгуради.

Эден Азарга келадиган бўлсак, у май ойи бошларидан машғулотларда тўлақонли равишда иштирок эта олади. Бундан келиб чиқадики, майнинг ўрталарига келиб, бельгиялик вингер асосий таркибдаги жойи учун жиддий курашга киришади.

Бу шуни билдирадики, ҳар икки футболчи асосий таркибда бўлишни истайди ва уёғига барчаси футболчилар, ҳамда Зинедин Зиданга боғлиқ бўлади.

Футболчилар тузалиб сафга қайтишидан ташқари, Зидан ва унинг ёрдамчилари учун статистик кўрсаткичлар, барча деталларни янада синчковлик билан ўрганиб чиқиб, жамоа ижобий натижаларга эришиши учун керакли ҳулосалар қабул қилиш имкони пайдо бўлмоқда.

Карантин якунлангунга қадар жамоа кичик гуруҳларда шуғулланиш варианти ҳам кўриб чиқилмоқда. Шу йўл билан ҳам хавфсизлик таъминланади, ҳам жамоавий боғлиқлик йўқотилмайди.

Раҳбарият эса мавсумнинг қолган қисмида клуб келажаги борасида қарор қабул қилиши мумкин бўлади. Футболчилар ўзларини яхши томондан кўрсата олиши, жамоанинг умумий ўйини ва натижалар кейинги мавсум "Мадрид" қай йўналишда ҳаракатланишини белгилаб беради. Шубҳасиз, ҳозирча Азар ҳам, Асенсио ҳам жамоанинг келажакдаги режаларида муҳим ўринга эга.

Омонжон Тўхтамирзаев таржимаси

Юзага келган танаффус Зидан ва "Мадрид"га фойда келтирадими? Азар ва Асенсио қачон сафга қайтади?