Мана шундай янгиликлардан бири “Ўқинг ва бешта хатони топинг” деб номланади. Бунда сизларга хабарлар, воқеа, интервью ёки бирор бир мақола ҳавола этилади.

Мазкур рукндаги хабарлар ёки мақолада атайлаб бешта хато маълумотни келтириб ўтамиз. Хатолар она тилимизнинг грамматикаси билан боғлиқ эмас (яъни, гап тузиш, имловий хатолар ва ҳоказо). Балки аниқ рақам, исм-фамилия, жой номлари, ёш ва йиллар билан боғлиқ бўлади. Агар зийрак мухлис бўлсангиз, марҳамат унда қуйидаги хабарлар орасида атайлаб қилинган 5та (бешта) хатони топинг ва изоҳ сифатида хатони ёзинг ва ёнига тўғрисини қолдиринг. Қайси ўқувчимизнинг қанчалик фаоллиги шунда маълум бўлади. Қани, бошладик бўлмаса!

“МАРСЕЛЬ” МАРСЕЛО БЬЕЛСА БИЛАН КЕЛИШИБ ОЛДИ
“Марсель” президенти Венсан Лабрюннинг баёнот беришича, келаси мавсумдан бошлаб клубни Марсело Бьелса бошқаради. Эслатиб ўтамиз, 58 ёшли Бьелса илгари Аргентина, Чили ва Мексика терма жамоаларини бошқарган. Шунингдек, Бильбаонинг “Атлетик” жамоасида ҳам ишлаган. У “Марсел”да ҳозирги мураббий Дидье Дешам ўрнини эгаллайди.

КАПЕЛЛО ЖЧ-2018дан КЕЙИН ФАОЛИЯТИНИ ТУГАТАДИ
Россия терма жамоаси бош мураббийи Фабио Капелло ЖЧ-2018дан сўнг мураббийлик фаолиятини якунлашини маълум қилди. Бу борада италиялик мутахассис шундай деди: “Россия терма жамоаси охирги иш жойим бўлади. Шундан кейин футболдан кетмоқчиман. Худди Алекс Фергюссон каби йўл тутаман. У 72 ёшида мураббийлик фаолиятини тугатган эди, мен эса бу пайтда 74 ёшда бўламан”. Эслатиб ўтамиз, Бразилиядаги ЖЧда Россия “H” гуруҳида Жанубий Корея, Миср ва Бельгия терма жамоаларига қарши баҳс олиб боради.

“АРСЕНАЛ” МАОШЛАРНИ КАМАЙТИРМОҚЧИ
Агар “Арсенал” мавсум якунларига кўра Чемпионлар лигасига чиқа олмаса, клуб раҳбарияти футболчилар олаётган маошни камайтирмоқчи. Футболчилар вазифа бажарилмаган тақдирда шартномада кўрсатилган пул миқдори 25 фоизга қисқаришига розилик билдиришди. Ҳозирги маош сақланиб қолиши учун эса “Арсенал” чемпионатни 4-ўринда тугатиши керак. Ҳозирча Лондон жамоаси “Ливерпуль”, “Челси”, “Манчестер Сити” ва “Эвертон”дан кейин 5-ўринда боряпти.

Х.Холиқов тайёрлади.

Зийрак мухлислар учун! Ўқинг ва 5та хатони топинг