“Чемпионат тугашига 11 тур қолди. Биз айни пайтда жадвалда пешқадаммиз. Аммо бу ҳеч нарсани англатмайди. “Реал” сафарда қийин кечган баҳсда ғолиб чиқди. Рақиб бизга етарлича муаммо туғдира олди, лекин жамоа характер кўрсатди. Олдинда бунданда қийин ўйинлар борлигини биламиз. Бензема учрашувни ажойиб тарзда ўтказди. Учрашув охирида ўйин балансини сақлаб қолиш учун схемамизни 4-4-2 га ўзгартирдик.

Ўйинчи алмаштиришлар ҳақида тўхталадиган бўлсам, Роналду учун хавотирланиш шарт эмас. Криштиану ҳам бошқа футболчилар сингари ўйин мобайнида ўз ўрнини бошқа жамоадошига бўшатиши мумкин. Биз ғолиб чиққанимиздан у ҳам мамнун.

Васкеснинг майдонга туширишимга сабаб биз 4-4-2 тактик схемасида ҳаракатлана бошладик ва ҳимояланишга эътибор қаратдик. Биз рақибга имкониятни бой беришдан эмас, балки ўйин балансини сақлаб қолиш учун шу ишга қўл урдик.

Бейл, Роналду, Бензема бугун бор кучлари билан ҳаракат қилиб, ғалабага муносиб ҳисса қўшишди. Охирги икки футболчини шу сабаб Иско ва Моратага алмаштирдим”, деди Зидан.

Зинедин Зидан: “Роналду ҳам бошқа футболчилар сингари захирага олиниши мумкин”