"Локомотив" чемпионатимизнинг ҳақиқий етакчи жамоаси. Шу боисдан учрашув биз учун икки ҳисса оғир ўтди. Бугунги ўйинга ҳимоявий тактика асосида майдонга тушгандик ва рақибни қарши ҳужумда "қармоққа" туширмоқчи бўлгандик. Бироқ ушбу режамиз амалга ошмай қолди. Лекин шунга қарамай, майдондаги ҳаракат бўйича "Локо"дек жамоага очиқчасига ютқазмадик. Мураббий мени захирадан майдонга тушираётганида берган кўрсатмаларини деярли 50%ни бажардим деб ўйлайман. Кимни майдонга туширишни мураббий ҳал қилади. Дисквалификация туфайли учта ўйинни ўтказиб юборгандим. Унга қадар ҳужумда Шаҳбоз Эркинов ҳаракат қилганди. Захирада қолиб кетаётганимга келсак, айни пайтда Эркинов ўйинга кўпроқ тайёрлиги боис мураббийлар Шаҳбозга ишонишмоқда. Рақобат борлиги яхши. Чунки рақобат бор жойда ўсиш кузатилади. Кейинги ўйинларда ўзимни кўрсатиб, асосий таркибда майдонга тушишга ҳаракат қиламан. Ҳар бир футболчи ўз олдига юқори вазифа қўяди. Ушбу мавсумда ҳам ўзимни яхши тарафлама кўрсатиб, гранд жамоалар назарига тушишни мақсад қилганман. "Насаф"? Ушбу мавзу мен учун ҳам ҳозиргача очиқлигича қолмоқда. Бу воқеа икката клуб ўртасидаги гап. Мен ҳам ҳозиргача нимага бундай бўлганини тушунмай келяпман", - деди Зоҳир Қўзибоев.

Зоҳир Қўзибоев: "Локо"ни қарши ҳужумда "қармоққа" туширмоқчи эдик..."