Ишқибозлар яхши билса керак, зоминликлар таркибида бу йил ўз вақтида ёшлар ва ўсмирлар терма жамоаларида ўйнаган футболчилар тўп тепди. Хусусан дарвозабон Шохруҳ Эшбўтаев, ҳимоячилар Асилжон Мансуров ва Азамат Абдуллаев. Бу йил ўзини кўрсатишга эришган яна бир қатор маҳаллий футболчиларга олий лиганинг айрим клубларидан таклиф бўлган. Жумладан иқтидорли посбон Эшбўтаевга “Машъал” жиддий қизиқиш билдиргани хусусида маълумот олдик. Бизнингча “газчилар” дарвозабони Санжар Қувватов кейинги фаолиятини Малайзияда давом эттирадиган бўлса, у холда катта эхтимол билан Шохруҳ “Машъал” билан шартнома имзолайди.
Шунингдек Азамат Абдуллаев ҳам олий лига жамоаси йиғинига бориб ўзини синаб кўриши ҳақида мураббийларни огоҳлантирган. Исломбек Бийтўраев билан Сардор Иномжонов эса “Металлург”га кўрикдан ўтиш учун борадиган бўляпти.

“Зомин” бош мураббийи Асқар Умаровнинг айтишича, жамоа айни дамда таътилда. Кейинги мавсум режалари аниқ эмас. Январь ойининг иккинчи ярмидан тайёргарлик бошланиши кутилмоқда.

“Зомин” футболчилари олий лига клубларида қизиқиш уйғотмоқда