"Бугунги мағлубият кутилмаган ҳол бўлмади, лекин йигитларимиз кўрсатган ўйиндан фахрланаман. Улар турнир давомида ўзларининг бор имкониятларидан келиб чиқиб ўйнашди. Умуман олганда, 6 та ўйин ўтказган бўлсак, ҳар бир ўйинда катта тажриба тўпладик дейиш қийин-ку, лекин ўзлари учун қандайдир жиҳатлар бўйича бир хулосага келишди, шу жиҳатдан фойдали бўлди. Биз Билич билан мулоқот қилиб турдик, у ва раҳбарият доимо бизни қўллаб турди. Қувонарли жиҳати, 1-турдаги дуранг учун ҳам бизга бонус ваъда қилишди. Энди уйга қайтиб, асосий жамоа билан машғулотларни давом эттирамиз. Аксарият ёш футболчиларимиз асосий таркибга жалб этилиши мумкин", – деди Янкович.
Алоҳида айтиш жоиз, "Бейжинг Гоан" посбони Гуо бугунги учрашувнинг энг яхши футболчиси деб топилди.
Изоҳлар