Qozog'iston terma jamoasi azosi "burgutlar"ning Toshkentdagi mashg'ulotlarida ishtirok etmoqda. To'p tepar yangi jamoasidagi dastlabki taassurotlari bilan o'rtoqlashdi.

"Agentlar menga "Andijon" variantini taklif qilishdi. O'ylab ko'rdim va rozilik berdim. "Gomel"da biroz omadsiz mavsum o'tkazgandim. Bu erda meni yaxshi qarshi olishdi va tezroq moslashishimga yordam berishyapti. Ichki muhit ham ajoyib.
O'z kuchimni O'zbekiston chempionatida sinab ko'rish istagi tug'ildi. Superligada raqobat yuqori. Men esa tarkibda o'z o'rnimga ega bo'lish uchun ko'proq mehnat qilishimni sezib turibman. Bu orqali jamoaga yordam berishni maqsad qilganman. "Andijon" bilan mavsumni yuqori o'rinlarda tugatishimiz kerak. Jamoaning jonkuyar muxlislari bor. Menga ijtimoiy tarmoqlarda videolarini tashlashgan. Bunday muhitda to'p tepish ajoyib bo'lishi aniq.
Abduqodir Husanov bilan tanishman. Uning nimalarga qodirligidan xabarim bor. Menga ham uning yo'lini berishini so'rab qolaman. Olimpiadada O'zbekiston yaxshi ishtirok etadi deb o'ylayman",- deydi Abinur Nurimbet

Abinur Nurimbet: "Andijon" bilan mavsumni yuqori o'rinlarda tugatishimiz kerak. Husanovning nimalarga qodirligini bilaman"