Farg'onadagi "Istiqlol" stadionida muxlislar vodiy derbisiga guvoh bo'ldi. Unda tomoshabinlar bir qator etiborga molik jihatlarga duch keldi. Xususan, 19ta o'yindan buyon g'alaba nima ekanligini bilmay kelayotgan "Neftchi" nihoyat 20-turga kelib, mavsumdagi ilk g'alabasini qo'lga kiritdi.

Etiborimizni tortgan yana bir jihat shu bo'ldiki, "Neftchi" futbolchilari "Navbahor"ga qarshi bahsga o'zlarining odatiy "JOMA" liboslarida emas balki, "ADIDAS" brendi ostidagi liboslarda maydonga tushdi. Yuqoridagi aytib o'tganimizdek, "Neftchi" 19ta o'yindan buyon g'alaba qozona olmay kelayotgandi. Balki rahbariyat jamoa libosini o'zgartirib omadsizliklarga barham berishni istagandir. Fakt shuki, "ADIDAS" liboslari farg'onaliklarga omad keltirib, uzoq kutilgan g'alaba qo'lga kiritildi.

Futbolda bazida bu kabi o'zgarishlar o'zini oqlashiga ilgari ham guvoh bo'lganmiz.

"ADIDAS" liboslari "Neftchi"ga omad keltirdi