Фарғонадаги "Истиқлол" стадионида мухлислар водий дербисига гувоҳ бўлди. Унда томошабинлар бир қатор эътиборга молик жиҳатларга дуч келди. Хусусан, 19та ўйиндан буён ғалаба нима эканлигини билмай келаётган "Нефтчи" ниҳоят 20-турга келиб, мавсумдаги илк ғалабасини қўлга киритди.

Эътиборимизни тортган яна бир жиҳат шу бўлдики, "Нефтчи" футболчилари "Навбаҳор"га қарши баҳсга ўзларининг одатий "JOMA" либосларида эмас балки, "ADIDAS" бренди остидаги либосларда майдонга тушди. Юқоридаги айтиб ўтганимиздек, "Нефтчи" 19та ўйиндан буён ғалаба қозона олмай келаётганди. Балки раҳбарият жамоа либосини ўзгартириб омадсизликларга барҳам беришни истагандир. Факт шуки, "ADIDAS" либослари фарғоналикларга омад келтириб, узоқ кутилган ғалаба қўлга киритилди.

Футболда баъзида бу каби ўзгаришлар ўзини оқлашига илгари ҳам гувоҳ бўлганмиз.

"ADIDAS" либослари "Нефтчи"га омад келтирди