Dohada bo'lib o'tgan uchrashuvning asosiy vaqti 2:2 hisobida yakunlandi. Dastlab kataloniyalik afsonalar Lyudovik Jyulining uzatmasidan so'ng Xuan Pablo Sorin hisobni ochgan bo'lsa, Ronaldinoning jarima zarbasi orqali kiritgan to'pidan so'ng hisob 2:0 ga etdi.

Tanaffusdan keyin "Real" qaytdi: avvaliga Luish Figu gol urgan bo'lsa, keyinroq Edvin Kongo hisobni tenglashtirdi – 2:2.

Yakunda "Barselona" afsonalari penaltilar seriyasiga ko'ra zafar quchdi – 4:2.

"Barselona" afsonalari: Vitor Bayya, Fernando Navarro, Frank de Bur, Erik Abidal, Xuan Pablo Sorin, Gaiska Mendeta, Roberto Trasorras, Lyudovik Jyuli, Rivaldo, Ronaldino va David Vilya.
Zaxiradan tushganlar: Xesus Angoy, Frederik Deyu, Jofre Mateu, Rojer Garsiya, Rikardu Kuarejma, Serji Barjuan va Patrik Klyuyvert.
"Real" afsonalari: Fransisko Buyo, Antonio Nunes, Fernando Sans, Fransisko Pavon, Raul Bravo, Klarens Zeedorf, Luis Milla, Luish Figu, Savio, Xose Emilio Amaviska va Edvin Kongo.
Zaxiradan tushganlar: Pedro Kontreras, Alvaro Mexiya, Ivan Kampo, Xulio Lorente va Pedro Munitis.

Jamoalar 15 dekabr kuni Tokioda yana to'qnash kelishi rejalashtirilgan. Dekabrdagi o'yinda "Barselona" afsonalari safida Andres Inesta va Xavi o'ynashi kutilmoqda.

Afsonalar bahsi: "Barsa" "Real"ni penaltilar seriyasiga ko'ra mag'lub etdi. Abidal, Ronaldino, Rivaldo vs Pavon, Zeedorf, Figu