Доҳада бўлиб ўтган учрашувнинг асосий вақти 2:2 ҳисобида якунланди. Дастлаб каталониялик афсоналар Людовик Жюлининг узатмасидан сўнг Хуан Пабло Сорин ҳисобни очган бўлса, Роналдиньонинг жарима зарбаси орқали киритган тўпидан сўнг ҳисоб 2:0 га етди.
Танаффусдан кейин "Реал" қайтди: аввалига Луиш Фигу гол урган бўлса, кейинроқ Эдвин Конго ҳисобни тенглаштирди – 2:2.
Якунда "Барселона" афсоналари пенальтилар сериясига кўра зафар қучди – 4:2.
"Барселона" афсоналари: Витор Байя, Фернандо Наварро, Франк де Бур, Эрик Абидаль, Хуан Пабло Сорин, Гаиска Мендьета, Роберто Трасоррас, Людовик Жюли, Ривалдо, Роналдиньо ва Давид Вилья.
Захирадан тушганлар: Хесус Ангой, Фредерик Дею, Жофре Матеу, Рожер Гарсия, Рикарду Куарежма, Сержи Баржуан ва Патрик Клюйверт.
"Реал" афсоналари: Франсиско Буйо, Антонио Нуньес, Фернандо Санс, Франсиско Павон, Рауль Браво, Кларенс Зеедорф, Луис Милла, Луиш Фигу, Савио, Хосе Эмилио Амависка ва Эдвин Конго.
Захирадан тушганлар: Педро Контрерас, Альваро Мехия, Иван Кампо, Хулио Льоренте ва Педро Мунитис.
Жамоалар 15 декабрь куни Токиода яна тўқнаш келиши режалаштирилган. Декабрдаги ўйинда "Барселона" афсоналари сафида Андрес Иньеста ва Хави ўйнаши кутилмоқда.
Изоҳлар