Mazkur o'yinlarda jamoa sharafini himoya etgan futbolchilar raqiblari darvozasini 400 marta ishg'ol etishdi. AGMK futbolchilari so'nggi marta 19 aprel kuni Buxoroda gol urishgandi. “Buxoro”ga qarshi kechgan bahsda jamoa 2:0 hisobida oldinda borib, yakunda o'z darvozasidan 4ta to'p o'tkazib yuborgandi. O'yindagi ikkinchi gol 55-daqiqada Yovan Jokich tomonidan penaltidan amalga oshirilgandi.

Shundan keyin jamoa yana uch uchrashuv o'tkazdi. 26 aprel kuni o'z maydonida “Nasaf” bilan 0:0 va 30 aprel kuni Navoiyda “Qizilqum”ga 0:3 hisobida imkoniyat boy berildi. 5 may kuni Jizzaxning “So'g'diyona” jamoasiga qarshi o'yinda ham hisob ochilmadi.

Jamoa tomonidan uriladigan navbatdagi gol esa, AGMKning O'zbekiston chempionatlaridagi yubiley 400-goli bo'lib tarix sahifalaridan joy olishi kutilayotgandi. Bekobod shahrida qo'lga kiritilgan tarixiy g'alabaga olib kelgan gol Vladimir Bubanya tomonidan 85-daqiqada raqib darvozasiga kiritildi. Umumiy hisobda yubiley golni Buxorodagi so'nggi goldan so'ng, naqd 390 daqiqa kutildi.

Jamoa tomonidan urilgan 400 gol haqida qisqacha.

AGMK bu marrani zabt etishi uchun 291 uchrashuvda maydonga tushdi. Mazkur o'yinlarning 102tasida g'alaba qozondi, 62 bahsda murosa ko'chasini tanladi va 127 uchrashuv mag'lubiyat bilan yakun topdi. Gollar bo'yicha to'xtaladigan bo'lsak, 400 golning 37tasi penaltidan amalga oshirildi. 9 futbolchi o'z darvozasini ishg'ol etib jamoaga ko'maklashdi. Umumiy hisobda jamoa azolaridan 80 nafari gol urishga erishdi.

Quyida AGMKning barcha yubiley gollari statistikasini keltirib o'tamiz.

1-gol
2008 yil 1 mart. 1-tur. AGMK – “Sho'rtan” 3:0
Aleksandr Dindikov, 18 penalti

25-gol
2008 yil 25 oktyabr. 25-tur. AGMK – “Qizilqum” 2:0
Zafar Ahmedov, 68

50-gol
2009 yil 25 iyun. 14-tur. “Paxtakor” – “Olmaliq” 4:1
Baxtiyor Hamidullaev, 78.

100-gol
2010 yil 11 sentyabr. 19-tur. “Olmaliq” – “Lokomotiv” 1:1
Nosir Otaqo'ziev, 2

200-gol
2013 yil 25 may. 9-tur. “Olmaliq” – “Neftchi” 3:1
Sanjar Shoahmedov, 62

300-gol
2015 yil 15 avgust. 18-tur. “Andijon” – “Olmaliq” 2:4
Alisher Shog'ulomov, 43

400-gol
2018 yil 10 may. 11-tur. “Metallurg” – AGMK 0:1
Vladimir Bubanya, 85

AGMK: Yubiley 400-gol muborak