Bu haqda klub rasmiy sayti xabar bermoqda.

Klub 30 dekabr kuni yangi murabbiy bilan kelishuvga erishdi. Serbiyalik 39 yoshli mutaxasis Ivan Gvozdenovich endi klubning bosh murabbiyi hisoblanadi. U xorvatiyalik Dragan Talajichni almashtirgan.

Suratda: Ivan Gvozdenovich o'ngdan birinchi

Klubga oid xabarlardan yana biri, “Al-Faysali” liviyalik legioner futbolchisi Akram Zui bilan xayrlashgan. Bu legioner futbolchi FIFA tomonidan jazolangan 5 futbolchining biridir. Shuningdek klub Muxammad Al Alun bilan ham shartnomani bekor qilgan. Shunday qilib, “Al-Faysali” FIFA tomonidan jazolangan o'z futbolchilari bilan birin-ketin xayrlashmoqda. Hozircha jamoa ixtiyorida ikki legioner futbolchi bor, bular senegallik Dominik va polshalik Lukas. “Al-Faysali” tez kunlarda ushbu futbolchilari bilan ham xayrlashishi mumkin. Chunki, murabbiylar bir qancha futbolchilarni ayni kunlarda nazoratdan o'tkazishmoqda.

Shuningdek klub bir qator mahalliy fubolchilarni o'z tarkibiga qo'shib ham olgan.

Eslatib o'tamiz, OCHL-2018 pley-off doirasidagi “Nasaf” – “Al-Faysali” uchrashuvi, 30 yanvar kuni Qarshi shahridagi “Markaziy” stadionda soat 16:00da boshlanadi.

“Al-Faysali”ga yangi murabbiy keldi va ikki futbolchi bilan xayrlashdi