Бу ҳақда клуб расмий сайти хабар бермоқда.

Клуб 30 декабрь куни янги мураббий билан келишувга эришди. Сербиялик 39 ёшли мутахасис Иван Гвозденович энди клубнинг бош мураббийи ҳисобланади. У хорватиялик Драган Талажични алмаштирган.

Суратда: Иван Гвозденович ўнгдан биринчи

Клубга оид хабарлардан яна бири, “Ал-Файсали” ливиялик легионер футболчиси Акрам Зуи билан хайрлашган. Бу легионер футболчи ФИФА томонидан жазоланган 5 футболчининг биридир. Шунингдек клуб Мухаммад Ал Алун билан ҳам шартномани бекор қилган. Шундай қилиб, “Ал-Файсали” ФИФА томонидан жазоланган ўз футболчилари билан бирин-кетин хайрлашмоқда. Ҳозирча жамоа ихтиёрида икки легионер футболчи бор, булар сенегаллик Доминик ва польшалик Лукас. “Ал-Файсали” тез кунларда ушбу футболчилари билан ҳам хайрлашиши мумкин. Чунки, мураббийлар бир қанча футболчиларни айни кунларда назоратдан ўтказишмоқда.

Шунингдек клуб бир қатор маҳаллий фуболчиларни ўз таркибига қўшиб ҳам олган.

Эслатиб ўтамиз, ОЧЛ-2018 плей-офф доирасидаги “Насаф” – “Ал-Файсали” учрашуви, 30 январь куни Қарши шаҳридаги “Марказий” стадионда соат 16:00да бошланади.

“Ал-Файсали”га янги мураббий келди ва икки футболчи билан хайрлашди