O'yin haqida

- Avvalambor barchani Superliganing ochilishi bilan tabriklayman. Tomoshabop o'yin bo'ldi. Har ikki jamoada g'alaba uchun etarlicha imkoniyatlar yuzaga kelgandi. Tushunaman, ilk turda hayajonlar bo'ladi. Vaziyatlardan foydalana olmagan holatlarimiz o'yin davomida ko'zga tashlandi. Jamoalar g'alaba uchun kurashdi. Takidlash joiz, men bu uchrashuvni jangovor durang deb aytgan bo'lardim.

- Pro-ligadan endigina qo'shilgan jamoa maydonidagi durang natijaga qanday izox bergan bo'lardingiz?

- "Qo'qon-1912" o'z maydonida o'ynaydi. Barcha jamoalar ochilish uchrashuvida g'alabani istaydi. Bizga oson bo'lgani yo'q, hozir hamma futbol o'ynashni biladi. Harakat qildik, biroq chempionatning ilk o'yinida turlicha holatlar jamoa borini ko'rsatib bera olishiga tasirini ko'rsatadi.

- Birinchi bo'limda jamoangiz yorqinroq o'ynayotgan edi. Ikkinchi bo'limda o'yin bir oz sustlashib qoldi ...

- Ha, albatta bugun chempionatning birinchi o'yini bo'lgani sabab turli kamchiliklar ko'zga tashlandi. Xotirjamroq o'ynashga intildik. Ikkinchi bo'limda yangi kuchlar qo'shildi, biroq baribir hammada hayajon kuzatildi. Tanaffusdan so'ng dastlabki daqiqalarni himoyada o'tkazishga majbur bo'ldik. Keyinroq gol urish uchun imkoniyatlarimiz bo'ldi. Vaziyatlarni samarali yakunlashda xatolarimiz ko'zga tashlandi.

Aleksandr Xomyakov: "Bu o'yin natijasini jangovor durang deb hisoblayman"