"O'tgan turda safardagi mag'lubiyatdan so'ng muxlislar oldida qarzimizni uzmoqchi edi. Yigitlarga rahmat aytmoqchiman. Ular yaratilgan vaziyatlardan unumli foydalanishdi", - deydi Xomyakov.

- "Mashal" o'z uyida yaxshi o'ynamoqda. Lekin stadionga kam tomoshabin kelmoqda...

- Ha, afsusi odam kam kelmoqda. Biz ham tomoshabinlar ko'proq bo'lishini istaymiz. Biz ular uchun o'ynaymiz.

- Zafar To'raev borasida qanday fikrdasiz?

- U jamoamizning eng asosiy futbolchilaridan biri hisoblanadi. Jamoani ortidan ergashtira oladigan futbolchi. Ammo hech kimni alohida ko'rsata olmayman. Zafar kelajakda ham shunday o'ynashda davom etadi deb umid qilamiz.

- Legionerlar o'yinidan qoniqayapsizmi?

- Ivanov gollar urmoqda, Bukatkin tayanch yarim himoyasida yaxshi o'ynamoqda. Ular tezda O'zbekiston chempionatiga tezda moslashib ketishdi.

- "Mashal" bu mavsumda "Nasaf" va "Sho'rtan"dan yuqori o'rinni egallash maqsadi bormi?

- Ko'rib turibsiz, hozircha jamoamiz ancha yaxshi o'ynab g'alabalarga erishmoqda.

- Sizningcha "Nasaf" OCHLda guruh bosqichidan chiqa oladimi?

- Albatta, bunga umid qilaman. Ishonamanki Qarshi jamoasi keyingi bosqichga chiqa oladi.

Aleksandr Xomyakov: "Legionerlarimiz chempionatimizga tez moslashib ketishdi"