- Бугунги ўйин ҳақида фикрларингиз?

- Қийин ўйин бўлди. Янги мураббий қўл остида илк учрашувимизни ўтказдик. Ютганимиз яхши ва уларнинг 2 та гол урганига (12 йил деганда) келсак, бу футбол. Ҳар бир жамоа гол уриш учун ҳаракат қилади.

- Марат Бикмаев билан бирга ўйнагансиз. Кўпчилик Бикмаевни ҳисобдан чиқариб бўлганди, аммо бугун иккита гол уришга эришди. Мазкур ҳужумчи ҳақида нима дея оласиз?

- Бикмаев ҳали ўзини кўрсатишга қодир. Бугунги ўйин буни кўрсатдики, уни ҳали ҳисобдан чиқариш керак эмас.

- Мураббий алмашди. Славче Войнескининг ўйин услуби жамоага тушмадими? Максим Шацкихнинг ғояси жамоа генига яқинроқми?

- Албатта, яқинроқ деб ўйлайман. Чунки, 2-3 та ўртоқлик ўйинида ҳаракат қилдик, тайёргарлик жараёнида яхши таасурот қолдирди. Аввалги мураббийлар ҳақида эса гапиришни хоҳламайман. Ўйлайманки, 2-даврада бундан ҳам яхшироқ ўйин кўрсатамиз.

- Чемпионлик йўлидаги асосий рақиб сифатида кимни кўрмоқдасиз?

- Очколарга қарасак, “Сўғдиёна”да биз билан тенг очко. “Навбаҳор”, “Насаф” ... Умуман, қайсидир бирини ажратиб кўрсатолмайман, ҳаммада имкониятлар тенг.

- Кураш охирги тургача давом этадими?

- Мен ҳам шундай ўйлайман.

- Шарқий Осиёда ўйнаб келдингиз. Кетишингиздан олдин Ўзбекистон чемпионатининг савияси қандай эди ва ҳозир қай ҳолатда? Ўйинлар қийинлашганми?

- Ҳа, қийинлашган деб ҳисоблайман. Ўйинлар савияси анча ўсган. Албатта, бундан футболимиз ютади.

Фахриддин Рўзиев ёзиб олди

Алибоев: "Шацких бошқача футбол талаб қиляпти"