"Tushunib turganingizdek ertangi bahs musobaqa jadvaliga katta tasir o'tkazadi. Guruhdan chiqish uchun katta qadam tashlash uchun g'alaba qozonishimiz kerak. Barcha futbolchilar o'yinga tayyor. Faqat himoyachi Nemanya Yanichich jarohat olgan. Ertaga g'alaba qozonishga urinamiz", - deydi Miklyaev.

"Ertaga chiroyli va hujumlarga boy o'yin bo'lishini kutayapman. Erondagi bahsda bu jamoaga qarshi o'ynash mumkinligini ko'rsatdik", - deydi Jeparov.

- Raqib safida eng xavfli futbolchilar kimlar?

- "Sepaxon"da to'rt nafar legioner bor. Aynan ular jamoa etakchisi hisoblanadi. Fozil Musaev, Ibrichich, Padovani va Chimba. Raqibni yaxshi o'rganib chiqa oldik.

- Islom To'xtaxo'jaevning holati qanday? Ertaga o'ynay oladimi?

- Umid qilamizki barchasi yaxshi bo'ladi. Kecha umumiy guruhda mashg'ulot o'tkazdi. Shunday ekan barchasi yaxshi bo'ladi deb o'ylayman.

- Raqib ustozi o'tgan o'yindagi ob-havo "Lokomotiv"ga yordam berdi deb aytdi.

- Ertaga ham yomg'ir yog'ishi kutilmoqda (kuladi). O'tgan o'yinda tezkor gol urdik va oson o'ynadik. Bu futbol. Bu erda ko'p narsa hal qiladi.

- "Lokomotiv" safarda o'z maydonidagidan ko'ra yaxshiroq o'ynayotgandek tuyulmoqda?

Server Jeparov: - Bunday emas. Kimga qarshi o'ynashimizga ko'proq bog'liq. Ertaga OCHLda o'z uyimizdagi ikkinchi o'yinni o'tkazamiz. Ko'ramiz natija qanday bo'lar ekan.

- O'zbekiston terma jamoasi o'yinchilari ertangi bahsga tayyormi?

- Ha, milliy terma jamoa azolari ertangi bahsga tayyor.

Andrey Miklyaev: "Ertangi bahs musobaqa jadvaliga katta tasir o'tkazadi"