"Тушуниб турганингиздек эртанги баҳс мусобақа жадвалига катта таъсир ўтказади. Гуруҳдан чиқиш учун катта қадам ташлаш учун ғалаба қозонишимиз керак. Барча футболчилар ўйинга тайёр. Фақат ҳимоячи Неманья Яничич жароҳат олган. Эртага ғалаба қозонишга уринамиз", - дейди Микляев.

"Эртага чиройли ва ҳужумларга бой ўйин бўлишини кутаяпман. Эрондаги баҳсда бу жамоага қарши ўйнаш мумкинлигини кўрсатдик", - дейди Жепаров.

- Рақиб сафида энг хавфли футболчилар кимлар?

- "Сепахон"да тўрт нафар легионер бор. Айнан улар жамоа етакчиси ҳисобланади. Фозил Мусаев, Ибричич, Падовани ва Чимба. Рақибни яхши ўрганиб чиқа олдик.

- Ислом Тўхтахўжаевнинг ҳолати қандай? Эртага ўйнай оладими?

- Умид қиламизки барчаси яхши бўлади. Кеча умумий гуруҳда машғулот ўтказди. Шундай экан барчаси яхши бўлади деб ўйлайман.

- Рақиб устози ўтган ўйиндаги об-ҳаво "Локомотив"га ёрдам берди деб айтди.

- Эртага ҳам ёмғир ёғиши кутилмоқда (кулади). Ўтган ўйинда тезкор гол урдик ва осон ўйнадик. Бу футбол. Бу ерда кўп нарса ҳал қилади.

- "Локомотив" сафарда ўз майдонидагидан кўра яхшироқ ўйнаётгандек туюлмоқда?

Сервер Жепаров: - Бундай эмас. Кимга қарши ўйнашимизга кўпроқ боғлиқ. Эртага ОЧЛда ўз уйимиздаги иккинчи ўйинни ўтказамиз. Кўрамиз натижа қандай бўлар экан.

- Ўзбекистон терма жамоаси ўйинчилари эртанги баҳсга тайёрми?

- Ҳа, миллий терма жамоа аъзолари эртанги баҳсга тайёр.

Андрей Микляев: "Эртанги баҳс мусобақа жадвалига катта таъсир ўтказади"