“Kristal Pelas” ustidan (1:0) g'alaba qozonib, g'alabali seriyasini 11 ta uchrashuvga etkazgan “Chelsi” ustozi Antonio Konte uchrashuv haqidagi fikrlari bilan o'rtoqlashdi.

“Bizda fantastik seriya. Futbolchilarimni tabriklashingiz mumkin. Men ulardan xursandman, chunki ular bunga loyiq edilar. Men har kuni shogirdlarimning o'z ishlariga bo'lgan munosabatlarini - o'yinga jon jahdlari bilan tayyorgarliklarini kuzatayapman. Endigina 17-tur ortda qoldi. Tanaffusga qadar yana ikkita tur bor. Biz yaxshi ishlayapmiz va shu sabab munosib pog'onada bormoqdamiz. Jadvalga etibor qilmasdan o'z ishimizni davom ettirishimiz lozim.

Biz hujum va himoya o'rtasidagi muvozanatni topa oldik. Bir qator vaziyatlarda darvozabonimiz hal qiluvchi rolni bajardi. O'tgan turda biz maydonda raqibga nisbatan ustunlik qilgan bo'lsakda, Kurtua ajoyib “seyv”i orqali bizni goldan qutqardi. O'tgan mavsumda u ko'plab gollar o'tkazdi. Ammo bu yil uning ishlari joyida. Biz jamoaviy himoyalanib, hujumga ham ko'pchilik bo'lib o'tmoqdamiz. Afsuski, bugungi bahsda Diego Kosta beshinchi sariq kartochkasini oldi. Bu unga munosibmimidi yoki yo'q, bilmayman. Ammo bu vaziyat ro'y berdi va biz boshqa hujumda boshqa variantlarni ko'rib chiqamiz. Kosta va Kante biz uchun o'ta muhim futbolchilar” deydi Konte.

Antonio Konte: “Bizda fantastik seriya. Meni emas, futbolchilarimni tabriklang”