"Биринчи бўлимда "Насаф"га қараганда яхши ўйнадик ва рақибга гол уришга умуман имконият бермадик. Лекин иккинчи бўлимдаги дастлабки 15 дақиқа мезбонлар катта куч билан олдинга боришди ва бизни қийнаб қўйиб, иккита гол уришга эришишди. Кейинчалик биз ўйин тизгинини ўз қўлимизга олишда бироз қийналдик. Аммо учрашув сўнггида ва умуман олганда, биз рақибга нисбатан яхши сифатли ўйин кўрсатдик дея оламан. Шу ўринда "Насаф"ни ғалаба билан табриклайман. Осиё чемпионлар лигаси энди бошланди ва ҳаммаси яхши бўлишига ишонаман. Ҳакамлар баҳсни яхши бошқариб боришди. Ўйиндаги энг яхши жамоа бу - ҳакамлар бўлишди", - дея ўз сўзини бошлади Антонио Оливейра.

- Мураббий алмашгани жамоа ўйинида қанчалик таъсир кўрсатди?

- Мағлубиятни бу билан боғламаган бўлардим. Гарча янги жамоага келган бўлсамда, жамоа билан яхшилаб танишиб олганмиз ва бир қатор ўйинларни ўтказишга ҳам улгургандик.

- "Насаф"нинг қайси футболчисини алоҳида таъкидлаган бўлардингиз?

- Мен рақиб ўйинига эмас, балки ўз жамоа ҳақида қайғураман ва фикр юритаман. "Насаф" яхши ва кучли жамоа. Улардан ҳеч бир футболчини алоҳида кўрсатмоқчи эмасман. Шунчаки жамоа яхши ўйнади.

- Иккинчи бўлимнинг дебютида қўйиб юборилган голлар нима билан боғлиқ?

- Жамоанинг бироз эътиборсизлиги қимматга тушди. Футболда биринчи ва иккинчи таймлардаги дастлабки 15 дақиқа жуда муҳим саналади ва шу дақиқаларда қайси жамоа яхши ҳаракат қилса, айнан ўша клуб ғалаба қозонади одатда. Статистика шуни кўрсатади. Учрашувнинг сўнгги 15 дақиқасида биз катта устунлик билан ўйнадик. Бироқ ўйлаган мақсадимизга етиша олмадик.

Антонио Оливейра: "Рақибга нисбатан биз яхшироқ ўйнадик"