" Ўйинни кўриб гувоҳи бўлдинглар, жамоамиз мағлубиятга лойиқ ўйнамади. Ўтказиб юборилган тезкор гол йигитларни руҳиятига таъсир қилди шекилли, ўйинимизни топиб олгунимизча қийинчиликка дуч келдик. "Турон" жамоасини ғалаба билан табриклайман.

Бу ўйин натижасини тезроқ унутган холда кейинги ўйинга астойдил тайёргарликни бошлаймиз. Бугунги ўйинда йўл қўйилган камчиликлар устида ишлаб, навбатдаги ўйинларда ғалаба қозонишга ҳаракат қиламиз.

Мўйдин Мамазулуновнинг вазияти ҳақида нима дейишим мумкин? Ҳозир унга 5 та шундай вазият қилиб беринг, ҳаммасини бехато уради. Футболда ҳамма нарса бўлиши мумкин, расмий ўйинда мана шу каби холатлар учраб туради. Шунақа пайтлар бўладики, 25-30 метр масофадан зарба йўлласангиз ҳам гол бўлиши мумкин. Баъзида яқин масофадан ҳам унумли фойдалана олмайсиз, айтганимдек бу футболда бор бўлган холат.

Биз биринчи галда бугунги ўйиндаги хатоларни кўриб чиқиб, уларни бартараф этиш устида ишлаймиз. Кейинги турда "Нефтчи"га қарши ўйнаймиз. Бу жамоа билан билан ҳозирга қадар барча ўтказган ўйинларимиз шиддатли руҳда бўлган. Ҳар икки жамоа аъзолари Фарғона дербисига алоҳида иштиёқ билан чиқишади, жуда қизиқарли учрашув бўлиши аниқ.

Биринчи бўлимнинг дастлабки қисмида ўйинимиз қовушмаганига узоқ йўл босиб келганимиз сабаб бўлган бўлиши мумкин. Бир оз ўтиб йигитлар майдонга ва ўйинга мослашишди. Иккинчи бўлимда чиндан ҳам биринчи бўлимдагидан кўра яхшироқ ўйнадик. Аслида биринчи бўлимда ҳам ёмон ўйнамадик, йигитлар майдонда борларини бериб ҳаракат қилишди" - дейди Анвар Бердиев.

Анвар Бердиев: "Истиқлол" мағлубиятга лойиқ эмасди"