O'yin haqida

- Juda qiyin o'yinda g'alabaga erishdik. Chunki, avvalroq "Xorazm" bilan o'yinda ham aytgandim, yana takrorlayman, suniy maydonda futbol o'ynash oson emas. Futbolchilarimga rahmat aytaman. Muhim g'alabaga erishdik. Yana muhimrog'i o'yinni jarohatlarsiz yakunladik. "Aral Samali" yaxshi jamoa va ularga keyingi o'yinlarda omad tilayman.

- O'tgan yilgi tarkibdan jamoangiz hozirgi tarkibi anchayin farq qiladi. O'zingiz istagan qancha futbolchilarni jamoada saqlab qoldingiz?

- Xabaringlar bor, "Turon" o'tgan mavsum Superligadan tushib ketgandi. Ko'p futbolchilar jamoani tark etishdi. To'g'risini aytsam, jamoa qaytadan shakllantirildi desak ham bo'ladi. O'tgan yilgi jamoadan 3-4 nafar futbolchi qolgan xolos. Qolgan barcha futbolchilarni o'zim taklif qilganman. Allohga shukr, hozir ular meni uyaltirib qo'yishmayapti. To'xtab qolmoqchi emasmiz, shu ruhda davom etamiz.

- Jamoalar futbolkalari bir-biriga o'xshab ketgani nima bilan bog'liq?

- To'g'risi, bizda 2 xil futbolkamiz bor, qizil va oq. Birinchi davrada "Aral Samali" bilan o'ynaganimizda ular ko'k rangli futbolkada chiqishgandi. Biz oq futbolkada tushsak ham, baribir bir xil bo'lib qolardi. Bu xolat qiyinchilik tug'dirdi albatta, lekin bugun muxlislar qiziqarli uchrashuv guvohiga aylanishdi.

- Hakamlik haqida fikringiz qanday?

- Hakamlarga hech qanday etirozim yo'q. Ularning nazorat qiluvchi maxsus markaz bor. O'yin davomida kimgadir yon bosgandek ko'rinaveradi.

- "Turon" oldiga qanday maqsad qo'yilgan?

- Maqsadimiz har bir uchrashuvda g'alaba qozonib Superligaga qaytish. Jamoamiz rahbariyati oldimizga shunday vazifa qo'yishgan.

Anvar Berdiev: "O'tgan mavsumdagi tarkibdan 3-4 nafar futbolchi qolgan xolos"