O'yin haqida

- O'yin boshida jamoamiz g'alaba osonlik bilan qo'lga kiritishga ishonib qolgandek taasurot uyg'otdi. Shu boisdan birinchi bo'limning o'zidayoq ikkita o'zgarishni amalga oshirdik. Men har doim aytaman, o'yinni hakam hushtagi boshlaydi va tugatadi. Raqibni hurmat qilish kerak. Qiyin g'alabani qo'lga kiritdik. Barchani g'alaba bilan tabriklayman.

- Shokir Yo'ldoshevning avtogoliga munosabatingiz?

- Bu xolat faqat Yo'ldoshevning xatosi emas, butun jamoaniki. Xatolar ustida ishlashimiz zarur.

- Birinchi bo'limning 19-daqiqasidayoq o'zgarish nima bilan bog'liq?

- Aytib o'tdim, o'yin boshida futbolchilar menda ijobiy taasurot qoldirmadi. O'zgarishlardan keyin jamoamiz o'yini ijobiy tomonga o'zgardi.

- 5:0 hisobidan so'ng 2 ta gol o'tkazib yuborish jismoniy xolat bilan bog'liqmi yoki ruhiy xolatgami?

- Albatta ruhiyat bilan bog'liq. 5:0dan keyin yigitlar o'yin tugadi deb hisoblashdimi, ishtiyoq yo'qolib qoldi. Shuning natijasida 2 ta gol o'tkazib yubordik.

Anvar Berdiev: "O'yinni hakam hushtagi boshlaydi va tugatadi"