- O'yin haqida

- Derbiga yarasha o'yin bo'ldi. Teng kurashlar ostida o'tdi. Bizda imkoniyatlar ko'proq bo'ldi. "Mashal" bitta standard vaziyatdan foydalanib ketdi. Ularni Superligaga yo'l olganlari bilan tabriklayman. Bizda ham imkoniyat bor. Harakat qilamiz.

- Bugungi o'yin taktikasi haqida so'ramoqchi edim. Qanday bo'lishi kerak ediyu, amalda qanday bo'ldi?

- Bizda imkoniyat ko'proq bo'ldi. Futbolda gol urmasangiz, g'alaba qozonish qiyin. Birinchi bo'limda yaqqol vaziyatdan o'yinchilarimiz foydalana olishmadi. Mashg'ulot jarayonida buni tushuntiraverib charchadim to'g'risi. Mashg'ulotlarda ham shunaqa holatlardan foydalana olmaydigan holatlari bo'lib turadi. Bu narsa futbolchiga qon bilan kirib jon bilan chiqar ekan. Buni o'zgartirish juda qiyin ekan. "Mashal" bizdan kuchli o'ynagani yo'q deb o'ylayman.

- Gol urilgan vaziyat haqida so'ramoqchi edim. Adashmasam himoyachilar o'sha vaziyatda suniy ofsaydni yuzaga keltirishga harakat qilishgandi...

- U vaziyatni tahlil qilamiz. O'sha holatda darvozabonimiz bilan markaziy himoyachimiz yo'q joydan xato qilishdi. Buni oxirigacha tahlil qilish kerak. Kimnidir aybdor qilish kerak emas. Mag'lub bo'ldik, bunda hammani aybi bor.

- Nuriddin Hasanovning qizil kartochkasi fikringiz qanday?

- U bilan o'yindan keyin gaplashmas, men hech narsa demadim deb aytdi. Futbolchi o'zini bunday tutishi kerak emas. Hakam hech qachon o'z qarorini o'zgartirmaydi. Aksincha hakamga maydonga to'g'ri o'ynab yordam berish kerak.

Anvar Berdiev: "Vaziyatlardan foydalana olmaslik kamchiligi qon bilan kirib, jon bilan chiqar ekan"