O'yin haqida

- Uchrashuv og'ir o'tdi. Jamoamiz azolari oxirigacha kurashib, bir ochkoni qo'lga kiritishdi. Takidlash joiz, bu o'yinda mag'lub bo'lishimiz yoki yutishimiz ham mumkin edi. So'ngi daqiqalarda har ikki jamoa darvozasi yonida juda xavfli vaziyatlar yuzaga keldi.

- Jamoangiz bugun himoyaviy futbol namoyish etgandek ko'rindi. Bu o'yindan kelib chiqib tanlangan uslub edimi?

- Himoyadan o'ynadik demagan bo'lardim. Biz mezbonlarning hujumlarini qaytarish uchun harakat qildik va qarshi hujumlarda imkoniyatlarimizni qidirdik. Golli vaziyatlarimiz bo'ldi, biroq foydalana olmadik. Muxlislarbop o'yin bo'ldi, vaziyatlarni tahlil qilib, navbatdagi uchrashuvlarga tayyorlanishda davom etamiz.

- "Sho'rtan" jamoasining maqsadi nimaga qaratilgan?

- Biz har bir o'yinda g'alaba uchun maydonga chiqishni maqsad qilganmiz. Kuzda, mavsum yakunida turnir jadvalidagi o'rnimizni tahlil qilamiz.

- Jasur Xolto'raevning o'yini haqida fikringiz?

- Jasur Xolto'raev vaziyatlarda yutqazgisi kelmaydi. Maydonda agressiv, maydon tashqarisida esa juda xotirjam futbolchi. Uning o'yinlaridan qoniqish hosil qilayapman.

- Sheroz Jalolov nega zaxirada qolayapti?

- Sheroz Jalolov yaxshi futbolchi. Himoyadagi raqobatni yanada kuchaytirish uchun tarkibimizga jalb etganmiz. Navbatdagi o'yinlarda albatta unga ham imkoniyat beramiz.

- O'zbek futbolida kuchli hujumchilar kam chiqayotganiga sabab nima deb o'ylaysiz?

- Bu savol juda ko'p berilayapti. Hozir bizning futbolda rivojlanish bor. Akademiyalar ishlayapti, iqtidorli yoshlar juda ko'p. Tez orada Xolmurodov, Soliev, Isoqovlar kabi kuchli hujumchilar futbol jamoalarida paydo bo'lishiga ishonaman.

Anvar Berdiev: "Yutishimiz ham, yutqazishimiz ham mumkin edi"