XALL - CHELSI (17:45)

Ushbu jamoalar o'rtasidagi barcha uchrashuvlar tarixida “Xall” faqatgina to'rt marotaba “Chelsi” ustidan g'alaba qozona olgan.So'nggi marta bu voqea 1988 yilda ro'y bergandi.

Shuni ham aytish kerakki, “Xall” huddi “Arsenal”, “Manchester Siti”, “Liverpul” kabi uy uchrashuvlarida eng kam gol o'tkazayotgan jamoalardan biri bo'lib turibdi. Bor yo'g'i oltita gol o'tkazib yubordi mezonlik qilgan o'yinlarida.

“Chelsi” esa chempionatdagi so'nggi 5 uchrashuvda to'rtta g'alabaga erishdi.

“Xall Siti” himoyachisi Pol Maksheyn jarohati tufayli bir oycha maydonga tusha olmaydi. Jumladan uushbu o'yinda ham. Undan tashqari Stiv Bryusning yana bir necha yigitlari virusli kasalliklar yuqtirib olishgan. Ammo murabbiy bu futbolchilar o'yinga tayyor bo'lishidan umid qilmoqda.

“Chelsi”da ham yo'qotishlar yo'q emas. Yaqmn bir oy ichida “aristokratlar” tajribali Frenk Lempard va Branislav Ivanovich xizmatlaridan foydalana olishmaydi.

"CA" taxmini: 40% - 60%

TOTTENXEM - KRISTAL PELAS (20:00)

Tim Shervud jamoani boshqarishni boshlagach, ahvoli bir oz yaxshilangandek taassurot qoldirayotgan “Tolttenxem”ning “Kristal Pelas”ga qarshi uchrashuvlaridagi statistikasiga havas qilib bo'lmaydi. Jamoalarning o'zaro so'nggi 9 uchrashuvida faqat bir bora g'alaba qozona olgan. U ham bo'lsa ushbu mavsumning birinchi turida. Londonliklar o'z uyidagi 10 yinda faqatgina 15 ochko to'plashga va 11tagina gol urishga erishgan. So'nggi o'n uchrashuvda Shervud shogirdlari faqat bir martagina gol o'tkazib yubormasdan o'yinni yakunlagan.

“Kristal Pelas” esa o'zining so'nggi besh o'yinidan faqat bittasini yuta oldi. Toni Pyulis qo'l ostida ular yig'ishi mumkin bo'lgan 24 ochkodan faqat 10 ochko qo'lga kiritishga muvoffaq bo'ldi.

“Tottenxem”dagi yo'qotishlar: Yunus Qobul, Yan Vertongen, Paulino, Sandro, Gulfi Sigurdsson, Lyuis Xoltbi va Erik Lamela.

"Kristal Pelas"da esa yo'qotishlar deyarli yo'q. “Vest Bromvich”ga qarshi o'yinda jarohati tufayli o'ynay olmagan Kemeron Jerom safga qaytdi.

"SA" taxmini: 65% - 35%

EVERTON - NORVICH (20:00)

“Everton” APL doirasidagi o'zaro besh o'yindan beri “Norvich”ni enga olmayapti. Ularning to'rttasi durang va bittasi liverpulliklarning mag'lubiyati bilan nihoya topgan. Biroq “Everton” bu mavsumni avvalgisidan ancha yaxshi o'tkazayotganini takidlash kerak. Roberto Martines boshqarib kelayotgan jamoa o'tgan yili ayni shu davrda hozirgidan 5 ochko kamroq yiqqandi.

“Norvich” esa keta-ket beshta o'yindan beri g'alaba qozona olmayotgani ham etiborga molik.

Bugungi o'yinda kichik jarohatlarini davolatib ulgurgan “Everton”ning etakchi futbolchilari Leyton Beyns va Ross Barkli ishtirok eta oladi. Fil Yagielka va Silven Disten yana bir hafta davolanishlari kerak.

Diskvalifikaciyani o'tab bo'lagn “Norvich” yarim himoyachisi Leroy Fer safga qaytadi. Ues Xulaxan va Bredli Jonson ham jarohatlaridan qutilshgan.

“Norvich” safidagi yo'qotishlar: Maykl Terner, Elliott Bennett, Djonni Xouson, Aleks Tettey va Entoni Pilkington.

"SA" taxmini: 65% - 35%

FULXEM - SANDERLEND (20:00)

Ushbu mavsumda “Fulxem” allaqachon 42ta gol o'tkazishga ulgurdi. Ayni paytda APLda eng ko'p gol o'tkazib yuborgan jamoa ham aynan ulardir. Ularning bugungi raqiblari bo'lmish “qora mushuklar” safardagi so'nggi to'rt o'yinda mag'lubiyat nima ekanini bilmay kelishyapti.

“Fulxem” hamon Bred Xangeland xizmatlaridan foydalana olmaydi. Biroq safga Maarten Stekelenburg qaytishga tayyor.

“Sanderlend”da esa jarohatlar bilan bog'liq holat avvalgi turlardagidek. Yani faqatgina Kiren Vestvud va Karlos Kuelyar maydonga tushishga tayyor emas.

"SA" taxmini: 50% - 50%

MANCHESTER YUNAYTED - SUONSI (22:30)

Bir hafta ilgari “Suonsi” o'z tarixida ilk bor “Old Trafford”da g'alaba qozonishga erishdi va bu g'alabasi bilan “Manchester Yunayted”ni Angliya Kubogidan chiqarib yubordi. “Qizil iblislar” o'z uylaridagi so'nggi 6 o'yinning to'rttasida mag'lubiyatga uchradilar. “MYU” so'nggi uch o'yinda enggilgan bo'lsa, “Suonsi” butun mavsum davomida chempionatda faqat besh bora g'alaba qozona olgan. “Oqqushlar” o'z uyidagidan ko'ra safarda ko'roq g'alaba qozonayotgan to'rt jamoaning biridir.

“Manchester Yunayted” bu o'yinni ham Ueyn Runi va Robin van Persisiz o'tkazishga majbur. Shuningdek, Jonni Evansning ham maydonga tushishi so'roq ostida.

“Suonsi” Pablo Ernandes va Rolan Lamani o'ynata olmaydi. Shuningdek Mixel Vorm ham jarohatini davolashni davom ettirmoqda.

"SA" taxmini: 60% - 40 %

#	Jamoa	O'yin	G'alaba	Durang	Mag'lubiyat	T-N	Ochko
1	Arsenal	20	14	3	3	39-18	45
2	Manchester Siti	20	14	2	4	57-23	44
3	Chelsi	20	13	4	3	38-19	43
4	Liverpul	20	12	3	5	46-23	39
5	Everton	20	10	8	2	32-19	38
6	Tottenhem	20	11	4	5	24-25	37
7	Man. Yunayted	20	10	4	6	33-24	34
8	Nyukasl	20	10	3	7	29-25	33
9	Sautgempton	20	7	6	7	26-23	27
10	Xall Siti	20	6	5	9	22-25	23
11	Aston Villa	20	6	5	9	19-25	23
12	Stok Siti	20	5	7	8	19-30	22
13	Suonsi Siti	20	5	6	9	26-28	21
14	Vest Bromvich	20	4	9	7	23-27	21
15	Norvich Siti	20	5	5	10	17-33	20
16	Fulhem	20	6	1	13	21-42	19
17	Kardiff siti	20	4	6	10	15-32	18
18	Kristal Pelas	20	5	2	13	13-29	17
19	Vest Xem	20	3	6	11	19-30	15
20	Sanderlend	20	3	5	12	15-33	14

Abror Qodirov tayyorladi

APL: 21-tur. Bugungi o'yinlar prevyusi