Учрашувдан олдин, меҳмонлар ҳимоячисининг ўйин ҳақида қуйидаги фикрларини билдирди.

- Кетма-кет иккита дурангдан сўнг, меҳмонда “Хотира-79” жамоаси устидан ғалаба қозондиларинг. Ғалаба билан табриклайман.
- Раҳмат.

- Сиз ўз вақтида вилоят иккинчи лигасида иштирок этадиган “Ғаллакор-Барса” жамоасида ўйнагансиз ва асосий таркиб ўйинчиси ҳам бўлгансиз. “Зомин” жамоасига келганиздан сўнг, асосан захирадан майдонга тушмоқдасиз. Бунинг сабаби нимада?
- “Зомин” жамоаси таркибида тажрибали футболчилар йиғилган. Рақобат ҳам кучли. Ўз устимда кўп ишлаб, албатта асосий таркиб ўйинчиси бўламан.

- “Ғаллакор-Барса” жамоасининг ўйинларини кузатиб борасизми?
- Ҳа. Имкон қадар ушбу жамоанинг ўйинларини кузатиб боришга харакат қиламан. Адашмасам жамоа кейинги йилги Биринчи лига мусобақаларига йўлланма олган. Фақат Биринчи лиганинг ўтиш ўйинларида ютса бўлди, Биринчи лига иштирокчисига айланади.

- “Косонсой” жамоасига қарши қай тарзида тайёргарлик кўряпсизлар?
- Рақибларимиз ҳозирча мусобақанинг сўнги ўринларининг бирида бормоқда, шундай бўлсада рақибимизни ҳурмат қилган холда учрашувга жиддий тайёргарлик кўрмоқдамиз ва ғалаба қозонишга ҳаракат қиламиз.

Акмал Рахматуллаев суҳбатлашди.

Аслиддин Мелибоев: “Ўз устимда кўп ишлаб, албатта асосий таркиб ўйинчиси бўламан”