"Bugungi bahsga "Turon" jamoasining kuchli va kuchsiz tomonlarini o'rganib chiqib reja tuzgan edik. Yakkakurashlarda futbolchilarning imkoniyatlarini hisobga oldik. Biz gol urganimizdan so'ng raqib bir kishi kam bo'lib qolgach futbolchilar bo'shashishdi. Shuning evaziga g'alabani qo'ldan boy berdik. Ular darvozamizga ikkita to'p kiritishga erishishdi", - deydi Asror Aliqulov.

- Goldan keyin o'yin suratini tushirish murabbiyning ko'rsatmasimidi?

- Bunday ko'rsatma berilmadi. Baribir ular shoshishdi. To'pni o'zimizda ko'proq ushlashimiz kerak edi. "Turon" oddiy vaziyatdan gol urib ketdi.

- Muhriddin Zoirovning o'yin davomidagi harakatlariga qanday baho berasiz?

- Mushaklarida muammo bo'lishi mumkin. Lekin jiddiy jarohat yo'q. O'yiniga keladigan bo'lsak, harakat qilmoqda. U bundan ham yaxshi harakat qila oladi.

- O'tgan yili "Sho'rtan" muammolar girdobida qolgandi. Bu yil siz yig'gan tarkib g'uzorlik muxlislarga nimani vada bera oladi?

- Biz taklif qilgan futbolchilar klubimiz chorlovini oxirgi o'ringa qo'yishdi. Bir nechta variantlar o'xshamagan holda kelishligini aytishdi. Sharoitimizga rozi bo'lgan futbolchilar bilan jamoani to'ldirdik. Bugungi o'yinimiz bilan yuqori o'rinlarga harakat qilishimiz shart. Hech kimdan kam emasmiz.

- Rahbariyat tomonidan siz so'ragan futbolchilardan nechtasi olib berildi?

- Rahbariyat moliyaviy talabni aytadi, shunga yarasha futbolchilarni jalb qilamiz. "Sho'rtan" yaxshi o'yin ko'rsatsa futbolchilarimizga qiziqish ortadi. Hozirgi homiyimiz ham qarab turmayapti. Nasib qilsa, bir ikki yilda bu futbolchilar yaxshi saviyaga chiqadi.

Asror Aliqulov: "Biz taklif qilgan futbolchilar klubimiz chorlovini oxirgi o'ringa qo'yishdi"