Uchrashuvda hisobda ortda borayotgan Mirjalol Qosimov shogirdlari odatdagidek yakunda kambek qilgan holda g'alabani o'ziniki qildi. Jamoa himoyachisi Avazbek O'lmasaliev dastlab o'z darvozasini ishg'ol qilib qo'ygan bo'lsa, keyingi daqiqalarda raqib darvozasiga gol urib aybini yuvdi deya olamiz. O'yindan so'ng futbolchining fikrlarini tingladik.

"O'yinga keladigan bo'lsak, barchasi yaxshi o'tdi deb o'ylayman. G'alaba qozondik va bundan xursandmiz. Bu g'alaba tarixga aylandi, endilikda navbatdagi bahsga tayyorgarlik ko'rishimiz kerak.

Fikrimcha, birinchi bo'limda yomon to'p tepayotganimiz yo'q. Vaziyatlarimizni golga aylantira olmayapmiz. Realizaciyadagi kamchiliklarimizni to'g'irlay olsak hammasi joyiga tushadi. Birinchi bo'limda gol o'tkazayotganimiz yoqimsiz holat bo'lyapti. Muhimi vaziyatdan chiqib ketmoqdamiz. G'alabada jamoadagi har bir insonning hissasi katta.

Har bir o'yinga yutish uchun chiqamiz. Kambek qilmasdan ham zafar qucha olamiz. Avtogol va golga kelsak, o'zimizga emas faqat raqibga urganimdan undan ham zo'r bo'lardi",- deydi Avazbek O'lmasaliev.

Avazbek O'lmasaliev: "Avtogol? O'zimizga emas faqat "Qo'qon-1912"ga urganimda undan ham zo'r bo'lardi"