Учрашувда ҳисобда ортда бораётган Миржалол Қосимов шогирдлари одатдагидек якунда камбэк қилган ҳолда ғалабани ўзиники қилди. Жамоа ҳимоячиси Авазбек Ўлмасалиев дастлаб ўз дарвозасини ишғол қилиб қўйган бўлса, кейинги дақиқаларда рақиб дарвозасига гол уриб айбини ювди дея оламиз. Ўйиндан сўнг футболчининг фикрларини тингладик.

"Ўйинга келадиган бўлсак, барчаси яхши ўтди деб ўйлайман. Ғалаба қозондик ва бундан хурсандмиз. Бу ғалаба тарихга айланди, эндиликда навбатдаги баҳсга тайёргарлик кўришимиз керак.

Фикримча, биринчи бўлимда ёмон тўп тепаётганимиз йўқ. Вазиятларимизни голга айлантира олмаяпмиз. Реализациядаги камчиликларимизни тўғирлай олсак ҳаммаси жойига тушади. Биринчи бўлимда гол ўтказаётганимиз ёқимсиз ҳолат бўляпти. Муҳими вазиятдан чиқиб кетмоқдамиз. Ғалабада жамоадаги ҳар бир инсоннинг ҳиссаси катта.

Ҳар бир ўйинга ютиш учун чиқамиз. Камбэк қилмасдан ҳам зафар қуча оламиз. Автогол ва голга келсак, ўзимизга эмас фақат рақибга урганимдан ундан ҳам зўр бўларди",- дейди Авазбек Ўлмасалиев.

Авазбек Ўлмасалиев: "Автогол? Ўзимизга эмас фақат "Қўқон-1912"га урганимда ундан ҳам зўр бўларди"