Stadion va “Ayaks” klubi rahbariyati, Gollandiya poytaxti xokimiyati vakillari ushbu obektga Yoxan Kroyff nomini berishga qaror qilishdi.

“Ayaks”ning sobiq hujumchisi va murabbiyi o'tgan yilning mart oyida hayot bilan vidolashgandi. Kroyffning nomi shuningdek, shahardagi ko'cha, maydon, ko'prik va boshqa obektlarga berilishi ham rejalashtirilgan.

Kroyff 1964-1973 va 1981-1983 yillarda “Ayaks”da harakat qilganyu 1986-1988 yillarda esa jamoani murabbiy sifatida boshqargan. U Gollandiya terma jamoasi safida 48 ta uchrashuvda maydonga tushib, 33 ta gol urishga erishgan.

Yoxan Kroyff o'tgan asrning eng yaxshi futbolchilaridan biri hisoblanadi. U uch marta “Oltin to'p”ni qo'lga kiriitgan. Arenaning nomi o'zgarishi haqidagi xabar 25 aprel kuni elon qilindi. Kroyff hayot bo'lganida hozirda 70 yoshni qarshi olardi.

“Ayaks” stadioni Yoxan Kroyff nomi bilan ataladi