Стадион ва “Аякс” клуби раҳбарияти, Голландия пойтахти хокимияти вакиллари ушбу объектга Йохан Кройфф номини беришга қарор қилишди.

“Аякс”нинг собиқ ҳужумчиси ва мураббийи ўтган йилнинг март ойида ҳаёт билан видолашганди. Кройффнинг номи шунингдек, шаҳардаги кўча, майдон, кўприк ва бошқа объектларга берилиши ҳам режалаштирилган.

Кройфф 1964-1973 ва 1981-1983 йилларда “Аякс”да ҳаракат қилганю 1986-1988 йилларда эса жамоани мураббий сифатида бошқарган. У Голландия терма жамоаси сафида 48 та учрашувда майдонга тушиб, 33 та гол уришга эришган.

Йохан Кройфф ўтган асрнинг энг яхши футболчиларидан бири ҳисобланади. У уч марта “Олтин тўп”ни қўлга кириитган. Аренанинг номи ўзгариши ҳақидаги хабар 25 апрель куни эълон қилинди. Кройфф ҳаёт бўлганида ҳозирда 70 ёшни қарши оларди.

“Аякс” стадиони Йохан Кройфф номи билан аталади