- O'yin haqida

- Avvalambor, barcha futbol muxlislarini Pro liga yangi mavsumining ochilishi bilan tabriklayman. O'yinga keladigan bo'lsak, "Aral"ga qarshi tengma-teng o'ynay oldik deb hisoblayman. Gollarni o'z xatolarimiz evaziga o'tkazib yubordik. Tarkibimiz o'zimizning mahalliy yosh futbolchilardan iborat. Shunday bo'lsa ham kuchli jamoaga qarshi munosib qarshilik ko'rsata oldik.

- "Jayxun" jamoasi birinchi bo'limda yaxshi o'yin ko'rsatayotgandi. Ikkinchi bo'limda charchab qolgandek ko'rindi ...

- Yo'q, men bunday deb aytmagan bo'lardim. Biz har ikki bo'limda ham tengma-teng o'ynay oldik. Gollar o'z xatolarimiz evaziga yuzaga keldi. Yigitlarda charchoq sezilgani yo'q, biz oxirgi daqiqalarga qadar jismoniy jihatdan faollik ko'rsatdik.

- Bir necha kundan keyin "Jayxun" O'zbekiston Kubogidagi yurishini boshlaydi. Jamoa oldida ushbu turnirdagi maqsad qanday?

- Biz har bir o'yinga maksimal tayyorlanamiz. Kubokda bitta uy, ikkita safar uchrashuvimiz bor. Aytib o'tdim, tarkibimiz yosh futbolchilardan shakllangan. Bu yildan Pro ligada o'ynaymiz, bu kichkina chempionat emas, munosib ishtirok etishimiz lozim.

- Asadillo Quttiboev zaxiraga olinganiga sabab nima?

- Asadillo Quttiboev iqtidorli futbolchi. Oldindagi o'yinlarini o'zini ko'rsatishiga shubhamiz yo'q. Bugun negadir o'z darajasida o'ynay olmadi. Shu bois uni zaxiraga oldik.

Aybek Nurbaev: "O'z xatolarimiz evaziga gollar o'tkazib yubordik"