Unda Respublikaning eng kuchli 6ta jamoasi ishtirok etdi. Vohadan Qarshining "Nasaf", Vodiydan Namangan futbol akademiyasi tashrif buyurgan turnirni, Toshkentdan O'zbekiston chempioni "Odil Ahmedov FA", Toshkent shahrining amaldagi chempioni "Paxtakor", "Do'stlik" hamda Toshkent futbol akademiyalari to'ldirishdi. Jami 6ta jamoa, o'zaro 5ta tur o'yinlarida maydonga tushdilar. Uchrashuvlar "Paxtakor" akademiyasi stadionida bo'lib o'tdi.
Uchrashuv 1:1 bo'lib turgan vaziyatda, "Odil Ahmedov FA" tarbiyalanuvchlari gol urib g'alaba qozondilar. Agar bahsda durang qayd etilganida "Paxtakor" chempionlikni qo'lga kiritar edi.
Bugun poytaxtda xususiy jamoalarning soni oshib boryapti. "Odil Ahmedov FA" kabi ish boshlagan "Do'stlik" jamoasi turnirni uchinchi o'rinda yakunladi.
"Paxtakor" jamoasi esa turnirda kumush medallarni qo'lga kiritgan holda ikkinchi bo'ldi.
Dilshod Nuraliev o'z hisobiga yana bitta sovrin yozib qo'ydi. 2009 yillar jamoasi bilan Toshkent shahar kubogi, O'zbekiston chempionligi va mana endi Gennadiy Krasnickiy Kubogi.
Musobaqada Gennadiy Krasnickiy bilan bolalikdan do'st bo'lib, uning o'yinlarini OAV orqali yoritib borgan Mavlon Shukurzoda ham ishtirok etdilar. Bu kishi ayni paytda Krasnickiyga bag'ishlab katta kitob yozyaptilar. Ular kelajak yulduzlariga, "Gena" haqida so'zlab berar ekan, u tomonidan amalga oshirilgan ajabtovur harakatlarni so'zlab berdi. 2023 yil mazkur musobaqa ishtirokchilariga, albatta Gennadiy Krasnickiy kitobini tarqatishni ham vada qildilar.
- Bu turnir haqida eshitib juda xursand bo'ldim. Do'stimizni yod etib, mana shunday chiroyli musobaqa tashkil qilgan "Kelajak Yulduzlari company" va Genani jahonga tanitgan "Paxtakor" klubiga katta rahmat aytaman. Kelajakda bu bolalar ham do'stimiz kabi dunyo arenalarida to'p tepib, kuchli jamoalar sharafini munosib himoya qilib yurishlariga tilakdoshman.
Musobaqaning yopilish marosimini tomosha qiling.
Yakuniy jadval va natijalar quyidagicha ko'rinish oldi:
1-tur.
Namangan FA - Paxtakor 0:3
Do'stlik - Nasaf 1:1
TFA - Odil Ahmedov FA 2:2
2-tur.
Odil Ahmedov FA - Nasaf 5:1
Namangan FA - Do'stlik 0:4
Paxtakor - TFA 3:0
3-tur.
Paxtakor - Do'stlik 6:1
Odil Ahmedov FA - Namangan FA 3:1
TFA - Nasaf 0:1
4-tur.
Nasaf - Namangan FA 1:2
Paxtakor - Odil Ahmedov FA 0:2
Do'stlik - TFA 2:0
5-tur.
Do'stlik - Odil Ahmedov FA 1:2
Nasaf - Paxtakor 0:2
TFA - Namangan FA 2:1
Jahongir Fayzullaev
Izohlar