Shveciyalik futbolchi 2019 yilning 1 iyulidan boshlab Myunxen jamoasi azosiga aylanadi, deya xabar bermoqda “Bavariya” rasmiy sayti.

Unga qadar futbolchi “Xelsingborg” sharafini himoya qilishda davom etadi. Joriy mavsumda yosh futbolchi Shveciya ligasida 16 ta bahsda maydonga tushib, ikkita gol kiritishga erishgan.

“Aleks Timossi Anderson – juda iqtidorli futbolchi. U “Bavariya”da o'ynab ketishiga ishonamiz. Bizning jamoaga qo'shilguniga qadar u jonajon klubi tarkibida tajriba to'plashda davom etadi”, dedi “Bavariya” sport direktori Hasan Salihamijich.

Hujumkor futbolchi Shveciya U-15 terma jamoasi safida to'rtta uchrashuv o'tkazib, oltita gol urgan bo'lsa, U-16 termasi safida 7 ta o'yinda 2 bor raqiblari darvozasini aniq nishonga olgan.

“Bavariya” 16 yoshli shved futbolchisi bilan kelishuvga erishdi