Швециялик футболчи 2019 йилнинг 1 июлидан бошлаб Мюнхен жамоаси аъзосига айланади, дея хабар бермоқда “Бавария” расмий сайти.

Унга қадар футболчи “Хельсингборг” шарафини ҳимоя қилишда давом этади. Жорий мавсумда ёш футболчи Швеция лигасида 16 та баҳсда майдонга тушиб, иккита гол киритишга эришган.

“Алекс Тимосси Андерсон – жуда иқтидорли футболчи. У “Бавария”да ўйнаб кетишига ишонамиз. Бизнинг жамоага қўшилгунига қадар у жонажон клуби таркибида тажриба тўплашда давом этади”, деди “Бавария” спорт директори Ҳасан Салиҳамижич.

Ҳужумкор футболчи Швеция U-15 терма жамоаси сафида тўртта учрашув ўтказиб, олтита гол урган бўлса, U-16 термаси сафида 7 та ўйинда 2 бор рақиблари дарвозасини аниқ нишонга олган.

“Бавария” 16 ёшли швед футболчиси билан келишувга эришди