O'yin haqida

- Ochig'i biz 3 ta uy uchrashuvida g'alaba qozonmaganimiz uchun muxlislar oldida ham xijolatda edik. Jamoa futbolchilarida ham bosim bor edi, shu sabab bugun g'alaba qozonishimiz shart edi. Yigitlar oxirigacha kurashishdi, zarur g'alabani qo'lga kiritdik. Lekin "Mashal" birinchi bo'limda ideal o'yin ko'rsatdi, to'p nazorati va qarshi hujumlarda bizdan ustunlik qilishdi. Natijada hisobda ham oldinga chiqib olishdi. Ikkinchi bo'limda o'yin tizginini qo'lga oldik, zaxiradan qo'shilgan futbolchilar ham yaxshi o'yin namoyish etishdi.

- Davron Fayziev "Buxoro"dan ketgani haqida xabarlar tarqaldi. U Qo'qonga qaytishi mumkinmi?

- Mumkin, Davron Fayziev o'tgan mavsumda ham jamoamizda ishlagan. U yaxshi inson, yaxshi mutaxassis. Davron Orifovich jamoamizdan ketganida biz hafa bo'lganmiz. U kishi uchun eshigimiz hamisha ochiq, jamoamizga qo'shilsa bundan faqat xursand bo'lamiz.

- Sizga sog'lik tilaymiz. Suhrob Berdiev safga qaytsa, Anvar Hojimirzaevning moslashish jarayoni muvaffaqiyatli o'tib o'yini yanada kuchaysa, jamoangiz yanada ko'proq gollar urishiga ishonasizmi?

- Sog'lik tilaganiz uchun rahmat. So'ngi vaqtlarda sog'ligimda ozroq muammolar bor edi. To'g'risini aytganda meni sog'ligimdan ko'ra jamoamizning natijalari xavotirga solib turgandi. Bugungi natijadan xursandman. To'g'ri hozir oldimizdagi vazifani bajarganimiz yo'q. Lekin bosimni engib o'tib muxlislarimizni xursand qildik degan umiddaman. Zaxiradan qo'shilgan Abduhamidov va Bambalar o'yinni kuchaytirishdi. Ular asosiy tarkibda tushishga ozgina tayyor emasdilar. Yakuba Bambaning sog'ligidagi ozroq muammo bor edi, shu sabab uni zaxiradan tushirdik. Xamidullo ham 4-5 oy davomida maydonga tushmadi, sekin-asta o'z formasini tiklayapti. Suhrob Berdiev sog'ayib ketib safga o'yinimiz yanada kuchayadi. Shuningdek Bobur Akbarovda ham jarohat bor edi.

Baxtiyor Ashurmatov: "Davron Fayziev uchun eshiklarimiz ochiq"