Ўйин ҳақида
- Очиғи биз 3 та уй учрашувида ғалаба қозонмаганимиз учун мухлислар олдида ҳам хижолатда эдик. Жамоа футболчиларида ҳам босим бор эди, шу сабаб бугун ғалаба қозонишимиз шарт эди. Йигитлар охиригача курашишди, зарур ғалабани қўлга киритдик. Лекин "Машъал" биринчи бўлимда идеал ўйин кўрсатди, тўп назорати ва қарши ҳужумларда биздан устунлик қилишди. Натижада ҳисобда ҳам олдинга чиқиб олишди. Иккинчи бўлимда ўйин тизгинини қўлга олдик, захирадан қўшилган футболчилар ҳам яхши ўйин намойиш этишди.
- Даврон Файзиев "Бухоро"дан кетгани ҳақида хабарлар тарқалди. У Қўқонга қайтиши мумкинми?
- Мумкин, Даврон Файзиев ўтган мавсумда ҳам жамоамизда ишлаган. У яхши инсон, яхши мутахассис. Даврон Орифович жамоамиздан кетганида биз ҳафа бўлганмиз. У киши учун эшигимиз ҳамиша очиқ, жамоамизга қўшилса бундан фақат хурсанд бўламиз.
- Сизга соғлик тилаймиз. Суҳроб Бердиев сафга қайтса, Анвар Ҳожимирзаевнинг мослашиш жараёни муваффақиятли ўтиб ўйини янада кучайса, жамоангиз янада кўпроқ голлар уришига ишонасизми?
- Соғлик тилаганиз учун раҳмат. Сўнги вақтларда соғлигимда озроқ муаммолар бор эди. Тўғрисини айтганда мени соғлигимдан кўра жамоамизнинг натижалари хавотирга солиб турганди. Бугунги натижадан хурсандман. Тўғри ҳозир олдимиздаги вазифани бажарганимиз йўқ. Лекин босимни енгиб ўтиб мухлисларимизни хурсанд қилдик деган умиддаман. Захирадан қўшилган Абдуҳамидов ва Бамбалар ўйинни кучайтиришди. Улар асосий таркибда тушишга озгина тайёр эмасдилар. Якуба Бамбанинг соғлигидаги озроқ муаммо бор эди, шу сабаб уни захирадан туширдик. Хамидулло ҳам 4-5 ой давомида майдонга тушмади, секин-аста ўз формасини тиклаяпти. Суҳроб Бердиев соғайиб кетиб сафга ўйинимиз янада кучаяди. Шунингдек Бобур Акбаровда ҳам жароҳат бор эди.
Изоҳлар