Беллашув 0:0 ҳисобида якунланди. Ўйиндан кейин термизликлар сардори Бахтиёр Қосимов фикрларига қулоқ тутдик.

“Қизиқарли ва муросасиз кечишини олдиндан билардик. Шунга яраша ўйинга пуҳта тайёргарлик кўргандик. “Бунёдкор” ўз тарихига эга бўлган жамоа. Ўз майдонида янада хавфли бўлишини билардик. Учрашувни кузатганлар билишадики, биз улардан асло қолишганимиз йўқ ва етарлича қаршилик кўрсатдик.
Мазкур баҳсда жамоамизда гол уриш имкониятлар ва вазиятлар кўп бўлди. Бироқ улардан фойдаланиш вақтида омадсизликга дуч келдик. Агар улардан бирортасидан фойдалана олганимизда, ютуққа эришган бўлардик, албатта.
Футболда ҳамма нарса бўлиши мумкин. Кейинги босқичга чиқишни мақсад қилганмиз. Буни амалга ошириш учун кейинги рақибга қарши жиддий тайёргарлик кўрамиз. Мақсадимиз, кейинги ўйинда ҳам ижобий натижа қайд этиб, кейинги босқичга йўлланма олиш”, дейди Бахтиёр Қосимов.

Бахтиёр Қосимов: “Яратилган вазиятларимиздан фойдалана олмадик”