Bahsdan avval “Neftchi” futbolchisi Baxtiyor Yoqubov o'z fikrlari bilan o'rtoqlashdi.

- Xar bir o'yinda bo'lgani singari Qo'qon jamoasiga qarshi bahsdan ham g'alaba kutyapmiz va derbida g'olib bo'lishga harakat qilamiz. Asosiy maqsadimiz muxlislarni o'z g'alabamiz bilan xursand qilishdir. “Qo'qon-1912” jamoasi “yaralangan sherdek” 11-turga etib kelmoqda. Ularga ham uch ochko juda zarur. Bugun oson o'yin bo'lmaydi deb o'ylayman.Chunki ketma-ket muvaffaqiyatsizliklarga uchragan jamoalarga qarshi to'p surish juda ham murakkab kechadi, - dedi tajribali futbolchi.
“Qo'qon-1912” klubi safida ko'plab sobiq jamoadoshlarimiz borligidan xabaringiz bor. Albatta sobiq “Neftchi” vakillari Farg'ona jamoasiga qarshi o'zlarini ko'rsatishga harakat qilishlarini tahmin qilish mumkin. Umuman olganda qiziqarli bahs bo'lishi kutilmoqda, - deb fikrlarini yakunladi “Neftchi” futbolchisi.

Eslatib o'tamiz, “Neftchi” – “Qo'qon-1912” o'yini bugun Farg'ona shahridagi “Istiqlol” stadionida bo'lib o'tadi. Bellashuv soat 19:00da start oladi.

“Neftchi” matbuot xizmati

Baxtiyor Yoqubov: “Sobiq jamoadoshlarning o'zaro raqobati qiziq kechadi”