Shartnoma iyun oyi oxirida tugadi va har ikki tomon uni uzaytirmaslikka qaror qildi.
Yamayka terma jamoasi futbolchisi 2015 yildan buyon "Vest Xem"da o'ynab kelayotgandi. U bu jamoaga "Nottingem Forest"dan ko'chib o'tgan. 10 yil davomida Antonio "bolg'achilar" safida 323 o'yin o'tkazib, 83 ta gol urdi va klubning APL tarixidagi eng yaxshi to'purariga aylandi.
Maykl Antonio 2024 yilning dekabr oyida jiddiy YTHga uchragan va pastki oyoq suyagi sinishi tufayli jarrohlik amaliyotini boshdan kechirgandi.
