Unda yangi tashkil etilgan O'zbekiston futzal federaciyasining prezidenti Bekzod Mamatqulov ham ishtirok etdi va jurnalistlarning savollariga javob berdi.

"Mamlakat futzal bundan buyon qanday bo'ladi degan savol bor edi. O'shanda biz hozir tayyor emasligimizni, xalqaro tajriba, tizimlarni o'rganishimizni, ichkariga kirishimizni aytgandim. Oradan vaqt o'tdi. Bu vaqt ichida Latviya, Turkiya, Polsha kabi mamlakatlarda bo'ldim. Tizimlar bilan tanishdik. Qisqa vaqt ichida Braziliya, Ispaniya tajribalarini o'rgandik. Futzalning 3 yillik dasturini ishlab chiqdik.

Avval "Turon Soliqchi", "Ro'zmat Madaminov" kabi jamoalar bo'lgan. Bularning zamirida futzalni yaxshi ko'radigan insonlar yotgan. Andijon, Samarqand, Xorazmda futzalni rivojlantirish bo'yicha katta salohiyatga egamiz. Bugungi kunda FIFAda futzalni Olimpiada o'yinlariga olib kirish masalasi ko'rib chiqilmoqda. Biz ham bu yo'nalishda harakatni jadallashtirishimiz kerak. Futzal geografiyasini kengaytirishga harakat qilamiz. Chempionat formatiga kelsak, o'sha eski format qoladi. Faqatgina vaqti o'zgaradi. Joyi o'zgaradi. Birinchi o'yinimiz 15:00, keyingisi 17:00, so'ng 19:00da boshlanadi. Har qanday klub tur o'tadigan vaqtda 1 kun dam oladi, 2 ta o'yin o'tkazadi. Klublarning 60 foizida maosh bermaydi. Birinchi o'rinda infratuzilmani qilib olishimiz kerak",- deydi Bekzod Mamatqulov.

O'FF prezidenti Bekzod Mamatqulov: "FIFA futzalni Olimpiadaga kiritish ustida ishlamoqda"