Qiziqarli kechgan o'yindan so'ng mezbonlar ustozi Bekzod Qodirqulov fikrlarini bildirdi.

"Yangi mavsumga tayyorgarlikni 12 yanvar sanasidan boshladik. Yig'inimiz 3 bosqichda bo'lib o'tdi. O'rtoqlik o'yinlar tashkillashtirildi. Tarkibga tajribali futbolchilarni jalb qildik. Umuman olganda hammasidan ko'nglim to'ldi. Mavsumni yaxshi boshlab oldik.

Chempionat starti bilan tabriklayman. Uyda o'ynayapmiz. Bosim va hayajon bo'ladi. Birinchi gol kutilmaganda darvozamizdan o'rin oldi. Keyinchalik yigitlar bilan gaplashib oldik. Ikkinchi bo'limda faqat hujumga etibor qaratildi. Yigitlar ko'rsatmalarni bajarishdi.

Bizda hujumni yakunlashda xatolar yuz berdi. Keyingi o'yinlarda yanada optimal formaga kirib olishadi. Navbatdagi raqiblarimiz Superligada qatnashgan jamoalar. Hech kimdan qo'rqmaymiz. Safar yoki uyda bo'lsin, faqat g'alaba uchun boramiz. To'g'ri maydon holati optimal holatda emas. Bunday paytda ko'p jamoalarning maydonlari shunday. Bir nechta turdan so'ng joyiga kelib oladi.

Superligaga chiqishga "Mashal", "Andijon", "Buxoro", "Turon" favorit bo'lishi mumkin. Lekin futbolda kutilmagan voqelar ham yuz beradi. Cho'chimasdan maydonga yutuq uchun tushamiz",- deydi Bekzod Qodirqulov.

Bekzod Qodirqulov: "Hech kimdan qo'rqmaymiz. Faqat g'alaba uchun maydonga chiqamiz"