Jamoamiz "A" guruhida "Busaytin" (Bahrayn), "Al Ahad" (Livan) va "Al Tilol" (Yaman) klublari bilan kurash olib boradi.

Farg'onaliklar 6ta o'yindan 11 ochko to'plab "Busaytin" (12 ochko) bilan birga keyingi bosqichga chiqishadi.

Nimchorak final bahslari o'sha paytda bitta o'yindan iborat bo'lardi. "Neftchi" guruhda ikkinchi bo'lgani uchun "E" guruhida birinchi o'rinni olgan Suriyaning "Al Majid" klubi mehmoni bo'ldi.

26 may oqshomida bo'lib o'tgan bahsning asosiy hamda qo'shimcha taymlarida jamoalar gol ura olishmaydi. G'olib penaltilar seriyasida aniqlanishi kerak bo'ldi.

Futbol lotoreyasida "Neftchi" posboni Yuriy Coy raqibning ikki zarbasini qaytarishga muvaffaq bo'lib qahramonga aylangan edi. Farg'onaliklar penaltilar seriyasida 3:1 hisobida zafar quchib chorak finalga chiqishgan.

Keyingi bosqichda Gonkongning "Saut Chayna" klubiga qarshi uy-safar uchrashuvlari o'tkazilgan. Farg'onada kechgan bahsda Sarkisyan jamoasi 5:4 hisobida g'alaba qozongan. Javob bahsida "Saut Chayna" 1:0 hisobida g'alaba qozonadi va safardagi gol qoidasiga ko'ra yarim finalga yo'l oladi.

OFK Kubogi-2009. 1/8 final
"Al Majid" (Suriya) - "Neftchi" (O'zbekiston) 0:0 (penaltilar seriyasi 1:3)
26.05.2009. Damashq. "Abbosiyon" stadioni. 6000 tomoshabin.

“Neftchi”: 16. Yuriy Coy, 2. Akmal Xoliqov, 18. Islom To'xtaxo'jaev, 13. Muhsin Nizomiddinov, 24. Asqarjon Muhitdinov, 27. Sardor Mirzaev (17. Umidjon Boqiev, 87), 23. Sanjar Asqaraliev, 7. Mansurjon Saidov, 6. Baxtiyor Yoqubov, 22. Iqbol Akramov, 26. Alisher Holiqov (19. Sherzod Hakimov, 87).
Zahira: 1. Hislat Chilmatov, 5. Nasim Shoimov, 8. Shukur Jumaboev, 10. Anvar Berdiev, 15. Temur Mukmenov.

Penaltilar seriyasida "Neftchi" safida zarba berganlar:
1.Umidjon Boqiev - gol
2.Islom To'xtaxo'jaev - darvozabon qaytargan
3.Akmal Xoliqov - gol
4.Muhsin Nizomiddinov - gol

Bir o'yin tarixi. OFK kubogi-2009. Yuriy Coyning qahramonligi, "Neftchi"ning penaltilar seriyasidagi g'alabasi