Mavsum boshida shaxsan o'zimiz klub rahbari Sultonboy Nurmetov bilan suhbatlashib, jamoa oldiga qo'yilgan vazifa nimalardan iborat ekanligini so'raganimizda, bu yil elitaga chiqish uchun kurashishin takidlab o'tgandi.

Chempionat avvalida urganchliklar buning uchun astoydil kurashayotgandek tuyulgandi. Lekin birinchi bosqich yakunlariga kelganida, “Xorazm” ham ko'plab jamoalar singari “tezlikni” pasaytirib yubordi. Bunga nima sabab bo'layotgani esa bizga qorong'u.

Oliy ligaga chiqish uchun vazifa qo'yilgan ekan, demak maqsadga erishish uchun jamoa har jihatdan uning past-balandligidan o'tishiga to'g'ri keladi. Ammo Mansur Davletov boshqaruvidagi jamoani bunday deya olmaymiz. “Xorazm”ning 21-turda safarda “Sherdor” bilan kechadigan o'yinga bormagani ham fikrlarimizni to'liq isbotlaydi. Bunday xunik ishlarni qilgan jamoani bu yil oliy ligaga chiqishini kutish mantiqan ham to'g'ri kelmaydi. Lekin urganchliklarning bu yo'ldagi ishlariga omad tilaymiz.

Urganch jamoasi birinchi bosqichda raqiblari darvozasiga jami 38ta to'p kiritgan. Birinchi liga toifasida etakchi o'yinchilardan biri sanalgan Nizomjon Norov bu yil “Xorazm” safida birinchi bosqichda eng to'p kiritgan futbolchiga aylandi. Surxondaryo futboli tarbiyalanuvchisi bo'lgan Norov joriy mavsum avvalida “Xorazm” tarkibiga kelib qo'shilgandi. 25 yoshli hujumchi hozircha o'z hisobiga 8ta gol yozdirib qo'yishga erishdi.

“Xorazm”ning ortda qolgan uchrashuvlarida o'tkazib yuborgan gollariga etibor qaratadigan bo'lsak, bu borada G'ayrat O'daev va Ravshan Jumaniyozovni 22ta o'yinda 24ta to'p o'tkazib yuborganini ko'rish mumkin.

Kim qancha gol urdi?

Futbolchi	Gol	pen.
Nizomjon Norov	8	(2)
Marat Hoshimov	4	(1)
Ilyos Xayrov	3
Qadamboy Nurmetov	3
Shahzod Mannonov	3	(1)
Jasur Otajonov	2
MirzabekQuryozov	2
Rinat Bayramov	2
Sarvarbek Jumaniyozov	2	(1)
Abror Xusinov	1
Marks Quramboev	1
Mamur Abdullaev	1
Sanjar Baratov	1
Temur Bekchanov	1
Temur Ismoilov	1

Quyida jamoaning birinchi bosqichda qayd etgan natijasi bilan batafsil tanishish imkoniyatiga ega bo'lasiz.

O'yinlar	20
Gollar	35
Uyda	19 (54,29%)
Safarda	16 (45,71%)
O'tkazib yuborilgan gollar	21
Uyda	7 (33,33%)
Safarda	14 (66,67%)
O'rtacha urilgan gollar	1,75
O'rtacha o'tkazib yuborilgan gollar	1,05
Uydagi ochkolar	24/30 (80 %)
Safardagi to'plangan ochkolar	16/30 (53,33 %)
Eng yirik g'alaba	4:1 - Spartak, Guliston
Eng yirik mag'lubiyat	1:4 - Shurtan
Gol o'tkazmagan o'yinlar	6 (30%)
Gol ura olmagan o'yinlar	2 (10%)
Irodali g'alaba	2
Irodali durang	0
Irodasiz mag'lubiyat	0
Irodasiz durang	3
Yirik g'alaba	2
Yirik mag'lubiyat	1
Avtogol (urilgan/o'tkazib yuborilgan)	0/1
Ogohlantirish (o'rtacha)	49 (2,45)
Chetlatish (o'rtacha) – To'g'ridan-to'g'ri/2SK	2 (0,1) - 2/0
Muxlislar (jami/o'rtacha)	62474/3124

Islombek RUSTAMBEKOV tayyorladi.

Birinchi liga. Oliy liga uchun jiddiy kurashmayotgan “Xorazm” haqida