O'tgan turda dam olgan “Cementchi” navbatdagi turda Andijonda “Uz-Dong-Ju” klubi mehmoni bo'ladi. Ushbu mavsumda uy uchrashuvlarini Andijon shahrining “Barkamol avlod” o'yingohida o'tkazayotgan “Uz-Dong-Ju” jamoasi bu safar ham jamoamizni ushbu maydonda qabul qiladi.

Sho'rbuloqliklar rahbariyati ushbu mavsumda jamoada katta o'zgarishlarni amalga oshirdi. Klubga asosan iqtidorli futbolchilarni taklif etib tarkibni deyarli barcha mahalliy yosh futbolchilar bilan tuzib chiqdi. Bu o'zgarishlar jamoa azolarining biroz tajribasizligi mavsum avvalidan o'z tasirini o'tkazmay qolmadi.

“Uz-Dong-Ju” shu kungacha o'tkazilgan uchrashuvlarda 12ta uchrashuvda maydonga tushib 10 ochko bilan musobaqa jadvalining so'nggi pog'onasini egallab turibdi.

“Uz-Dong-Ju” hamda “Cementchi” jamoalarning uchrashuvlari tarixiga nazar tashlasak, o'zaro 8 bor to'qnash kelishganiga guvoh bo'lamiz.

O'tkazilgan uchrashuvlarda o'zaro tenglikni ko'rishingiz mumkin. Har ikkala jamoa 4 marotabadan zafar quchishgan, to'plar nisbatiga ko'ra sho'rbuloqliklar biroz ustun 12:9 Uz-Dong-Ju foydasiga.

Ushbu bahslar tarixining yana bir alohida etiborga molik tomoni shundan iboratki, bugungi kunda jamoamizni boshqarib kelayotgan murabbiylarimiz Abdumalik Hakimov va Ilhomjon Zaylobitdinovlar futbolchi sifatida “Cementchi” tarkibida to'p tepishgan paytlarida o'zaro uchrashuvlarda “Uz-Dong-Ju” jamoasi darvozasini ishg'ol qilishgan. I.Zaylobitdinov bir marotaba raqib darvozasini aniq nishonga olgan so'lsa A.Hakimov ikki uchrashuvda ikki bor gol kiritib jamoamizga g'alaba keltirgan.

O'zaro uchrashuvlar tarixi bilan tanishing.

2006 yil

5-tur. 29 aprel (shanba)

UzDongJu (Andijon) – Cementchi (Quvasoy) – 2:1.

Gollar: M. Maxmudov (59), X. Mahmudov (89), - Z. Qurbonov (19)

2006 yil

34-tur. 13 oktyabr (juma)

Cementchi (Quvasoy) –UzDongJu (Andijon)– 2:0.

Gollar: I.Zaylobiddinov (66 pen), A.Hakimov (69 pen)

2007 yil

1-tur. 27 mart (seshanba)

Cementchi (Quvasoy) – UzDongJu (Andijon)– 1:0

Gol: A.Hakimov (78)

38-tur. 6 noyabr (seshanba)

UzDongJu (Andijon) – Cementchi (Quvasoy) – 6:0.

Gollar: Q. Abduqodirov (9 pen, 81), A.Iminov (10, 21), S.Maxmudov (19 avtogol), R.Raxmonov (61)

Birinchi bosqich 11- tur. 19-may (seshanba)

UzDongJu (Andijon) – Cementchi (Quvasoy) – 2:1.

Gollar: A.To'xtasinov (17) F.Soloxidinov (90) – R.Meliboev (77)

Birinchi bosqich 12- tur. 26-may (seshanba)

Cementchi (Quvasoy) –– UzDongJu (Andijon) 2:0.

Gollar: YO.Akbarov (80, 86)

2016 yil

12- tur. 29-may (yakshanba)

Cementchi (Quvasoy) – UzDongJu (Andijon) 0:1

Gol: Islom Karimov

2016 yil

25- tur. 10-sentyabr (yakshanba)

UzDongJu (Andijon) - Cementchi (Quvasoy) 1:2

Gollar: Islom Karimov, Elyor Mamasoliev, Raxmatillo Meliboev

Demak jamoalarning navbatdagi uchrashuvi 7 iyun chorshanba kuni Andijon shahrida “Barkamol avlod” stadionida bo'lib o'tadi. Uchrashuv 18:00 da boshlanadi.

O'zbekiston birinchiligi 14-tur uchrashuvi.

7 iyun. (chorshanba)

18:00 - Uz-Dong-Ju (Andijon) – Cemetchi (Quvasoy)

Hakamlar: V.Serazitdinov (Toshkent), I. Nosirov (Namangan), M. Nexochin (Namangan)

Nazoratchi: T. Abdullaev (Toshkent).

Cementchi PFK Zuxriddin Abdullajonov.

Birinchi liga. "UzDongJu" - "Cementchi". Prevyu