- Yaxshi uchrashuv bo'ldi. Rejalarimizning 100 foiz bo'lmasa-da, anchagina qismi amalga oshdi. Ayrim vaziyatlarda kamchiliklarimiz ham ko'rinib qoldi. Lekin “Bunyodkor”dek raqibga qarshi munosib qarshilik ko'rsatganimizdan xursandmiz.

- Uchrashuvda durang qayd etilgani sizning o'yinga to'g'ri taktika tanlaganingiz bilan bog'liqmi yoki raqibning o'yini qovushmagani sabablimi?
- Men bugun “Bunyodkor” yaxshi o'ynay olmadi, demagan bo'lardim. Raqib kerak bo'lsa, bizga “dars” o'tdi. Avval ham aytgandim, biz izlanish yo'lidamiz. Shunday raqiblarga qarshi o'yinda o'zimizga ko'p narsa olamiz va izlanishda davom etamiz.

- “Bunyodkor” posboni Akbar To'raev haqida fikrlaringiz.
- Raqib darvozaboni haqida fikr bildirmayman. Chunki o'yin davomida o'z futbolchilarimning harakatlarini kuzatib bordim. So'radingiz aytaman: To'raev uchrashuvni yomon o'tkazgani yo'q.

- O'zingiz nima uchun darvozaboningizni almashtirdingiz?
- Darvozabonimizni almashtirganimiz taktika bilan bog'liq. Biz bugungi uchrashuvga har tomonlama puhta tayyorlangandik. Sababi, “Bunyodkor”dek raqiblarga qarshi bahslarda xato qilishga haqqimiz yo'q. Birgina xato qimmatga tushishi mumkin. Yana qaytaraman: darvozabonimiz o'ylagan taktika tufayli almashtirildi.

- Xo'p, o'sha vaziyatda darvozabondan ko'ra, biror bir futbolchini maydonga tushirib, o'yinni kuchaytirsangiz bo'lmasmidi?
- Albatta bo'lardi. Biroq aytganimdek, biz bu uchrashuvga jiddiy tayyorgarlik ko'rgandik. Avvalroq o'yin rejasini tuzib chiqqandik.

- Futbolchilaringiz ikkinchi bo'limda charchab qolayotgandek ko'rinmoqda. Oliy ligada butun bir mavsumni o'tkazishga jamoaning zaxira o'rindig'i qisqalik qilmasmikan?
- Bizning asosiy maqsadimiz kurashuvchan jamoa tuzish va shunga harakat qilyapmiz. Balki sizga zaxiramiz qisqadek ko'rinayotgandik, ammo tarkibimizda muammo yo'q. Biz bu futbolchilarni dekabr oyidan beri kuzatib kelyapmiz va saralab olganmiz.

Bobur Zuhriddinov: "Bunyodkor"dek jamoa bilan durang o'ynaganimizdan xursandman"