"Bunyodkor"ning oldingi ustozlari tarkibning tajribasizligi haqida ko'p gapirishardi. Boshkovich esa gap yoshda emasligini amalda isbotladi. Chernogoriyalik mutaxassis 1 mln so'mga o'ynaydigan yigitchalar bilan liganing moliyaviy jihatdan eng baquvvat klubini ham yutib qo'yyapti.

"Navbahor" mag'lub qilingan bahsda 6 nafar 20 yoshga kirmagan "qaldirg'och" maydonga tushdi. Ularning barchasi "Bunyodkor" akademiyasining mevasi bo'lib, 1 yil oldin hech kim tanimasdi.

Shunindek, Umid Sultonov haqida alohida gapirish kerak. 2003 yilda tug'ilgan futbolchi Shuhrat Maqsudov tomonidan kashf qilingan edi. Xorazmlik vingerning potenciali rostan ham juda yuqori.

Nima bilan bog'liqligini bilmaymanu, Umid rasmiy o'yinlarda o'zini ko'rsatolmayotgan edi. Boshkovich yoki Abduhamid Qodirov Sultonovning tilini topgan ko'rinadi, darhol jamoaning eng foydali azosiga aylandi.

1. "Olimpik" bilan durangni taminlagan penaltini u ishlagandi.
2. "Navbahor"ga qarshi o'yinning oxirgi daqiqasidagi "11"ni ham u ishladi.
3. Bekoboddagi bahsda "Bunyodkor"ga 3 ochko ketirgan golni urib ketdi.

Bu yigitcha "portlovchilik" xususiyatiga ega. Bir lahzada o'yin taqdirini o'zgartirib yuborishi mumkin. Masalan, yuqorida sanalgan 3ta harakat "Bunyodkor"ga 5 ochko keltirdi...", - deyiladi "Futbol ANALIZI" kanalida.

Boshkovich "gap yoshda emasligi"ni isbotlayapti