Barchaga malumki, 25 - dekabrda rojdestvo bayrami nishonlanadi. Uning ertasiga esa, yani 26 - dekabr kuni Britaniyada "Sovg'alar kuni" (Boxing Day) nishonlanadi.

Bu narsa 1957 yildan boshlab Angliya futboliga ham kirib kelgan. Aynan o'sha yildan boshlab, 26 - dekabr kuni Chempionat o'yinlari bir kunda o'tkaziladi. Yanada aniqroq aytadigan bo'lsak, bir haftada APLda 3 ta tur o'yini bo'lib o'tadi. Ajoyib-a?

Aniqroq aytadigan bo'lsak, "Boxing Day" faqatgina bir kun, yani bugun hisoblanadi. Rojdestvo bayramining ertasiga ertalab mahalliy aholi bir-birlariga sovg'alar ulashadilar. Tushlikdan so'ng esa barcha stadionga yo'l oladi. Bu sanada davlat transportlari deyarli ishlamaydi. Shuni ham hisobga olgan holda, Premer-Liga o'yinlari bir shahar jamoalari o'rtasida yoki bir-biriga yaqin bo'lgan jamoalar o'rtasida bo'lib o'tadi.

Ushbu davr ichida ko'p narsa malum bo'ladi. Jamoalarning jismoniy tayyorgarligi, ruhiy tayyorgarligiga albatta ko'p narsa bog'liq.

Demak, "Boxing Day"da bo'lib o'tadigan o'yinlar bilan tanishing:

Etakchi jamoalar yaqin oradagi uchta turda qaysi jamoalarga qarshi to'qnash keladilar?

Lester: Sensaciya ko'ramizmi?

Raneri shogirdlarini oldinda qiyin o'yinlar kutib turibdi. Agar ular ushbu o'yinlarda o'zlariga kerakli ochkolarni yig'ib ololsalar mavsum yakunida turnir jadvalida sensaciya ko'rishimiz mumkin:

26.12, 20:00 "Liverpul" - "Lester"

30.12, 00:45 "Lester" - "Manchester Siti"

02.01, 20:00 "Lester" - "Bornmut"

"Arsenal": Birinchi o'ringa chiqib olish uchun qulay fursat

Chempionlik uchun kurashayotgan "kanonirlar" uchun ham bir hafta ichida yig'ib olinadigan 9 ochko juda katta foyda keltirishi mumkin:

27.12, 00:45 "Sautgempton" - "Arsenal"

28.12, 22:30 "Arsenal" - "Bornmut"

02.01, 22:30 "Arsenal" - "Nyukasl"

"Manchester Yunayted": van Gal qolarmikin?

Lui van Gal uchun qiyin davr. Uning so'nggi matbuot anjumanini tashlab chiqib ketganidan barchaning xabari bor. Avvalroq esa, agar u "Stok" yoki "Chelsi"ga yutqazib qo'yadigan bo'lsa istefoga chiqarilishi mumkinligi haqida xabar qilingandi:

26.12, 17:45 "Stok Siti" - MYU

28.12, 22:30 MYU - "Chelsi"

02.01, 20:00 MYU - "Suonsi"

"Manchester Siti": Chempionlik uchun kurash davom etadi

Beshta o'yindagi uchta mag'lubiyat dunyoning eng zo'r chempionatida chempion bo'lish istagida bo'lgan jamoaga yarashmaydi. "Shaharliklar" bu orada turnir karvonboshchisi "Lester"dan ochko olish imkoniyatiga egalar:

26.12, 20:00 "Manchester Siti" - "Sanderlend"

30.12, 00:45 "Lester" - "Manchester Siti"

02.01, 22:30 "Uotford" - "Manchester Siti"

"Chelsi": Xiddinkning qaytishi omad keltiradimi?

Malumki jamoa ushbu mavsumni ko'ngildagidek o'tkaza olmayapti. Mourino istefga chiqarildi. Uning o'rniga jamoaga Gus Xiddink olib kelindi. Ko'ramiz, gollandiyalik murabbiy "aristokratlar"ni jarlikdan olib chiqib keta olarmikin? Buning uchun quyidagi uchta o'yinda kamida 7 ochko olish talab etiladi:

26.12, 20:00 "Chelsi" - "Uotford"

28.12, 22:30 MYU - "Chelsi"

03.01, 18:30 "Kristal Pelas" - "Chelsi"

"Liverpul": Kloppga ko'p narsa bog'liq

Yurgen Klopp eski "Liverpul"ni qaytarish uchun hali ko'p ish qilishiga to'g'ri keladi. Avvalambor o'z maydonida "Lester"ni yutishi, so'ngra ikkita safar o'yinidan ijobiy natija bilan qaytish zarur:

26.12, 20:00 "Liverpul" - "Lester"

31.12, 00:45 "Sanderlend" - "Liverpul"

02.01, 17:45 "Vest Xem" - "Liverpul"

"Boxing Day" arafasidamiz: Bizni kutib turgan qiziqarli o'yinlar